Lu 4:7 - Sơ̆p Hlabơar Nơ̆r 'Bok Kei-Dei

⁷ Inh gô ba Sisêra, 'bok yŏng pơgơ̆r linh pơtao Jabin, hăm đĭ lu gre aseh sư păng đĭ lu linh sư năm tơ'bơ̆p iĕm tơ thong đak krong Kisôn; Inh gô pơjao sư lăm ti ih.

Lu 4:7 Iomraidhean Croise

I Pot 18:40

Êli khan kơ lu sư: “Rôp bĕ đĭ lu bơngai khan lê̆ adrol gah yang Baal, 'nĕ kơ ăn minh 'nu bơngai ayơ klaih.” Lu sư rôp hloi lu bơngai 'noh. Êli chông ba lu sư jur tơ thong đak Kisôn păng pơlôch đĭ lu sư tơ noh.

Le 14:17

Na Inh gô pơm kơ kon pơlei Êyiptơ kơ̆l arăng gô jur druh kiơ̆ kon pơlei Isơrael lăm đak dơsĭ, đơ̆ng noh Anăn Inh gô đei ư-ang yua kơ Pharaôn păng đĭ-đăng lu linh sư, lu bơngai chĕp gre aseh sư.

Le 14:4

Inh gô pơm kơ Pharaôn arăng kơ̆l ưh kơ chu, sư gô druh kon pơlei Isơrael Inh gô đei ư-ang yua kơ đơ̆ng Pharaôn păng lu linh sư; na bơngai Êyiptơ gô băt Inh bơih Kră Yang. Kon pơlei Isơrael mă pơm thoi noh.

Le 14:8

Kră Yang pơm kơ Pharaôn pơtao dêh Êyiptơ, arăng kơ̆l, druh kon pơlei Isơrael; mă-lei kon pơlei Isơrael nuih yak năm tơpăt tơ anăp hloi.

Le 21:13

Mă tơdah bơngai 'noh ưh kơ pơrơ̆ng wă pơlôch. Mă-lei yua kơ 'Bok Kei-Dei pơjao bơngai lôch 'noh lăm tơpang ti sư, na Inh gô tơ'bôh ăn kơ sư minh anih wă kơdâu ôn.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Jôsuê 11:20

Yua kơ Kră Yang ăn lăm jơhngơ̆m lu pơtao arăng kơ̆l 'maih wă tơblah hăm lu bơngai Isơrael, wă kơ lu sư jing hiong răm đĭ, ưh pă đei bu mơnat, kiơ̆ thoi Kră Yang đei tơtă pơkă boih kơ Môis.

Jôsuê 11:6

Mă-lei Kră Yang khan kơ Jôsuê: Ih 'nĕ kơ hli dơning trŏ kơ jơ âu, Inh gô pơjao lu sư kơ kon pơlei Isơrael pơlôch, ih gô rôp aseh koh huan jon păng soh lê̆ đĭ gre aseh lu sư.

Jôsuê 8:7

lu iĕm lĕch đơ̆ng anih iĕm răp iung kơdâu năm mơ̆t blah iŏk pơlei; Kră Yang 'Bok Kei-Dei lu bơ̆n gô ăn pơlei noh tơ lăm tơpang ti lu bơ̆n.

Lu 4:14

Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.

Lu 4:8

Barak tơl khan: Tơdah ih năm hơdai hăm inh, inh gô năm. Tơdah ih ưh kơ năm hơdai hăm inh, inh ưh kơ năm.

Lu 5:21

Tơ đak krong Kisôn lu sư hoch đĭ, Đak krong Kisôn ro lơ̆p pơhoch lê̆ đĭ lu sư. Ơ bơhngol inh, mă nuih pran kơtang bĕ năm tơ anăp!

I Sam 24:10

To, lăng bĕ măt ih 'bôh năr 'nâu lăm hơgơp tơmo Kră Yang jao ih lăm tơpang ti inh, đei bơngai athei inh pơlôch ih, mă-lei inh mơnat kơ ih, na khan inh ưh kơ pơm kiơ kơ akâu jăn yŏng inh yua kơ sư jơ̆ đơ̆ng Kră Yang tuh ăn đak rơmă.

I Sam 24:18

Năr 'nâu, kon tơ'bôh kon iŏk tơdrong 'lơ̆ng pơm hăm 'bă; yua kơ Kră Yang hlôi pơjao boih 'bă lăm tơpang ti kon, mă-lei kon ưh kơ đei pơlôch 'bă,