Lu 4:6 - Sơ̆p Hlabơar Nơ̆r 'Bok Kei-Dei

⁶ Yă ei wơh athei đe krao Barak kon drŏ-nglo Abinôam đơ̆ng pơlei Kêđes lăm dêh char Naptali, na khan kơ sư: Kră Yang 'Bok Kei-Dei Isơrael tơtă kơ ih: Năm rơih akŭm minh-rơbâu 'nu bơngai đơ̆ng adrĕch Naptali păng lăm kon sâu Sebulun păng tŏk tơ kông Tabôr,

Lu 4:6 Iomraidhean Croise

Horiso 7:6

Ơ Kră Yang, iung bĕ lăm năr Ih blĕk, Iung blah bĕ hăm lu ayăt kơ inh; Iung hơdơ̆r bĕ ơ Kră Yang 'Bok Kei-Dei tơbăt bĕ tơdrong sek tơlang.

Horiso 89:12

Ih pơjing boih yă-nơ̆m păng gơal Kông Ta'bor păng Hermôn hơri chơt hiôk kơ anăn Ih.

Horiso 89:13

Ih đei kơkŏng ti mơsêh mơyang Tơpang ti Ih pran kơtang Ti 'ma Ih yơ̆r kơjung.

Je 46:18

“Inh arih.” Pơtao, anăn Sư Kră Yang Tih Hloh, khan: “Minh 'nu gô truh thoi Kông Tabôr tŏk-bŏk lu kông nai, thoi Kông Karmel cheng dơsĭ.

Hôsia 5:1

“Ơ lu 'bok soi, mơ̆ng bĕ lu tơdrong 'nâu. Ơ bơngai Isơrael, pơgling đon bĕ! Răp mơ̆ng bĕ, ơ bơngai lăm hnam pơtao! Tơdrong sek tơlang âu 'bơm trŏ kơ lu iĕm, yua kơ lu iĕm thoi hơđong hơ'năk lê̆ boih tơ pơlei Mispa; păng thoi hơnhuăl dăng boih tơ kông Tabôr.

Jang 13:47

Yua kơ Kră Yang pơkă kơ nhôn sơ̆ thoi âu: ‘Inh rơih ih pơm ŭnh pơchrang hơdah kơ đĭ-đăng khŭl bơngai, wă kơ đĭ-đăng khŭl bơngai jơ̆p kơ teh đak gơh klaih đơ̆ng tơdrong yoch.’ ”

Hêbrơ 11:32

Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

Jôsuê 1:9

Hăm trŏ kơ Inh đei khan bơih kơ ih? Athei ih nuih kơtang păng chơ̆n jơhngơ̆m, nuih pran, 'nĕ kơ rơdu, yua kơ Kră Yang 'Bok Kei-Dei ih oei hơdai hăm ih lăm rim trong ih năm.

Jôsuê 19:22

Pơtrơp hơdral sư tơ'bưh hăm Kông Tabôr, Sahatsuma păng Bêt Sêmes tôch hơdral sư tơ đak Krong Jôrđăn, đĭ-đăng mơjĭt-tơdrâu tŏ pơlei tih hăm pơlei iĕ âu.

Jôsuê 19:32

Teh hlang lăng mă tơdrâu trŏ kơ adrĕch Naptali, kiơ̆ kơ adrĕch adrung lu sư.

Jôsuê 19:35

Lu pơlei tih kơjăp noh đei pơlei Siđim, Ser, Hammat, Rakat, Kinêret,

Jôsuê 19:37

Kêđes, Êdrei, Ên Hasor,

Jôsuê 21:32

Păng kư̆m iŏk dơ̆ng đơ̆ng adrĕch Naptali, pơlei Kêđes lăm char Galilê, jing pơlei ôn kơ'nơp kơ bơngai bu mă pơlôch đe hơch 'bơm, pơlei Hamôt Đôr pơlei Kartan păng teh jum dăr kơ pơlei; đei tơmăn 'nhĕt, đĭ-đăng pêng tŏ pơlei.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

Lu 5:1

Lăm năr ei, Đêbôra hăm Barak, kon drŏ-nglo Abinôam hơri nơ̆r âu:

Lu 6:35

Sư wơh lu bơngai năm roi tơbăt tơ jơ̆p-jang kơ bơngai Manase, akŭm pơpôi băl năm kiơ̆ sư. Sư kư̆m wơh dơ̆ng bơngai năm roi tơbăt Aser, Sebulun păng bơngai Naptali, na lu đe noh kư̆m năm hơdai pơm jơhngơ̆m hăm lu đe Giđêôn.

Lu 8:18

Đơ̆ng noh sư apinh Sêba păng Salmuna: Măr iĕm pơlôch bơngai kiơ tơ Tabôr? Bre sư tơl; lu sư kư̆m hơbŏ thoi ih; rim 'nu lu sư kư̆m nhen thoi minh 'nu kon tơdăm pơtao.

I Sam 10:3

Đơ̆ng noh ih kư̆ yak năm, truh tơ tơm 'long kôih Tabôr, ih gô tơ'bơ̆p pêng 'nu năm tơ pơlei Bethel. Wă kơkuh kơ Kră Yang 'Bok Kei-Dei, minh 'nu chĕp ba pêng tŏ kon bơbe tơno, minh 'nu chĕp ba pêng tŏ 'bĕng păng bơngai mă pêng chĕp ba minh tŏ get akar sik.

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.