Lu 4:19 - Sơ̆p Hlabơar Nơ̆r 'Bok Kei-Dei

¹⁹ Sư pơma hăm yă ei khan: Inh apinh ih song inh đak nhă tŏ sĕt, inh 'maih nhă dêh. Yă ei iŏk get akar đak toh rơmo ăn kơ Sisêra nhă; đơ̆ng noh tơsu kơ sư khăn dơ̆ng.

Lu 4:19 Iomraidhean Croise

Bl 24:43

'Nâu inh oei ngôi 'bơ̆t cheng đak sơlŭng âu; na inh apinh khan dah adruh ayơ mă năm tơ âu wă sŏ đak, dah inh pơma hăm sư thoi âu: ‘Apinh ih asong ăn kơ inh đak nhă hơya tŏ sĕt đơ̆ng ge ih.’

I Pot 17:10

Thoi noh, sư iung năm tơ Pơlei Sarepha; lăp sư truh 'bơ̆t 'măng jang pơlei, sư 'bôh minh 'nu drŏ-kăn adro oei dônh 'long ŭnh, Êli krao drŏ-kăn adro 'noh păng khan: “Inh apinh ih sŏ đak lăm ge hơya tŏ sĕt ăn kơ inh nhă.”

Êsai 41:17

Lu bơngai dơnuh păng lu bơngai kơ'bah tơmam chơchă đak. Mă-lei ưh kơ đei, hơpiĕt đĭ kro yua kơ rơhing dêh, Inh bơih Kră Yang gô tơl nơ̆r lu sư, Inh bơih Kră Yang 'Bok Kei-Dei Isơrael ưh kơ achăng tŭk lu sư ôh.

Yo 4:7

Klaih kơ noh blư 'bôh minh 'nu bơngai drŏ-kăn, sư khŭl bơngai Samari năm sŏ đak. Yêsu khan kơ sư: “Asong Inh nhă đak ih bĕ.”

Lu 4:18

Yă Jăl lĕch sơng iŏk Sisêra na khan kơ sư: Ơ 'bok yŏng mơ̆t bĕ tơ hnam inh 'nĕ kơ hli. Thoi noh na sư mơ̆t lăm bơsŭn yă ei păng yă ei iŏk khăn tơsu kơ sư.

Lu 4:20

Na sư khan kơ yă ei dơ̆ng: Athei dơ̆ng bĕ 'bơ̆t 'măng bơsŭn ih, tơdah đei bu apinh ih, tơ âu hăm đei bu ưh, tơl ưh kơ đei bơngai bu.

Lu 5:24

Pŭn hiôk dêh kơ Jăl, akăn Hêber, bơngai Kênit. Noh mă bơngai drŏ-kăn đei tơdrong pŭn hiôk hloh lăm lu bơngai drŏ-kăn mă oei lăm bơsŭn!