Lu 4:15 - Sơ̆p Hlabơar Nơ̆r 'Bok Kei-Dei

¹⁵ Kră Yang yua đao gưm pơm pơrŭng Sisêra păng đĭ lu gre aseh bơsei sư hăm đĭ-đăng lu linh sư kơdâu tơklah tơklang kơ Barak. Sisêra jur đơ̆ng gre aseh sư, kơdâu jơ̆ng hoh.

Lu 4:15 Iomraidhean Croise

II Pot 7:6

Yua kơ Kră Yang hlôi pơm kơ lu linh Aram kơtơ̆ng jơwa gre aseh păng aseh mơdrâp mơdrăp, păng kơtơ̆ng jơwa khŭl linh lơ na lu sư pơma dơnuh: “Ei, pơtao đe Isơrael mưng iŏk lu pơtao đe Hêtit păng pơtao đe Êyiptơ wă blah bơ̆n.”

Both 7:23

Mă-lei Kră Yang 'Bok Kei-Dei iĕm gô jao lu sư kơ iĕm păng gô pơm kơ lu sư đei tơdrong hli rŭng răng tih, dĭng truh layơ mă lu sư lôch hiong đĭ.

Hêbrơ 11:32

Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

Jôsuê 10:10

Kră Yang pơm ăn kơ lu linh ayăt hli rŭng răng kơdâu tơklah tơklang 'bơ̆t anăp linh Isơrael, lu bơngai Isơrael tơblah ayăt jei jơnei tih jê̆ pơlei Gibeôn, lu linh Isơrael druh lu ayăt tŏk tơ trong suăn kơ pơlei Bêt Hôrôn, blah drŭt lu sư truh tơ pơlei Asêka păng pơlei Makkêđa.

I Sam 7:10

Kơplah Samuel oei pơyơ̆r tơmam soi 'buh lu bơngai Philistin năm blah lu bơngai Isơrael. Mă-lei lăm năr ei Kră Yang ăn grơ̆m glaih jruh tơ bơngai Philistin, pơm kơ lu bơngai Philistin hli tơrơ kơdâu tơklah tơklang.