Lu 4:14 - Sơ̆p Hlabơar Nơ̆r 'Bok Kei-Dei

¹⁴ Đêbôra pơma hăm Barak khan: Iung bĕ! Năr 'nâu boih năr mă Kră Yang pơjao Sisêra lăm ti ih. Hăm trŏ kơ Kră Yang năm adrol kơ ih? Thoi noh na Barak jur đơ̆ng kông Tabôr, đei mơjĭt-rơbâu 'nu bơngai kiơ̆ sư.

Lu 4:14 Iomraidhean Croise

Bl 19:14

Na Lot lĕch roi hloi kơ ŏng wă jê̆ oei kơ bre kon sư thoi âu: “Iung bĕ, lĕch đơ̆ng anih âu, yua kơ Kră Yang wă pơrăm boih pơlei âu.” Mă-lei bre kon ŏnga sư ngeh kơ Lot pơma hơnul.

Bl 44:4

Kơplah lu sư lĕch hlôi kơ pơlei tam mă ataih, Jôsep khan kơ bơngai wei hnam ei thoi âu: Năm druh kiơ̆ lu sư bĕ, mưh tam boih, ih khan thoi âu: Liơ iĕm pơm kơnê̆ kơ bơngai pơm 'lơ̆ng kơ iĕm, liơ iĕm tơtông iŏk kơchŏk hu yŏng inh?

II Sam 5:24

'Bơ̆t kơplah mă ih kơtơ̆ng jơ̆ng yak lăm kơdrơ̆ng 'long hơngo bri ih athei năm blah hloi, yua kơ 'bơ̆t kơplah noh Kră Yang năm adrol kơ ih blah lu linh Philistin.”

Êsai 52:12

Lu iĕm weh lĕch ưh kơ mah hăt hot, kư̆m ưh kơ mah kơdâu klĕnh; Kră Yang gô năm adrol kơ lu iĕm păng Kră Yang 'Bok Kei-Dei Isơrael năm đơ̆ng rŏng wei-lăng iĕm.

Mi 2:13

Đei bơngai pơih trong adrol kơ lu sư, lu sư tơkan lĕch truh tơ 'măng jang pơlei, pơtao lu sư rok yak adrol kơ lu sư păng Kră Yang boih Tơ'ngla ba trong lu sư.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Jôsuê 10:8

Kră Yang khan kơ Jôsuê: 'Nĕ kơ hli kơ lu sư, yua kơ Inh jao ăn boih lu sư lăm tơpang ti ih, ưh kơ đei bu kĕ tơblah hăm ih ôh.

Jôsuê 7:13

Iung bĕ pơm kơ kon pơlei rơgoh păng khan: Hơmet bĕ lu iĕm kơdih mă rơgoh, kơ năr dơning, yua kơ 'nâu nơ̆r Kră Yang 'Bok Kei-Dei Isơrael đei khan: Ơ lu bơngai Isơrael, tơ lăm lu iĕm đei tơmam mă trŏ kơ pơyơ̆r păng pơrăm. Lu iĕm ưh kơ kĕ ôh tơblah hăm lu bơngai ayăt kơ iĕm, dĭng mă lu iĕm đei iŏk lê̆ tơmam noh đơ̆ng lăm lu iĕm.

Lu 19:28

Sư khan kơ drŏ-kăn: Adrin Iung bĕ, lu bơ̆n wă yak; mă-lei drŏ-kăn ei ưh kơ đei tơl sư lôch boih. Đơ̆ng noh sư hơtŏk drŏ-kăn ei kơpal aseh iĕ sư, yak brŏk wih tơ hnam sư.

Lu 4:10

Barak krao akŭm pơpôi bơngai Sebulun păng bơngai Naptali năm tơ pơlei Kêđes, đe mơjĭt-rơbâu 'nu bơngai kiơ̆ sư păng Đêbôra năm hơdai sư.

Lu 7:9

Lăm măng noh Kră Yang khan kơ Giđêôn: Iung bĕ, năm jur blah bơngai Miđian, yua kơ Inh jao boih kon pơlei noh kơ iĕm.

I Sam 9:26

Truh năr đơ̆ng rŏng, kơplah năr wă lĕch, Samuel krao Sôl tơ anih tơ kơpal na khan kơ sư thoi âu: Iung bĕ inh gô ba ih yak năm. Sôl gruih iung, na Samuel păng Sôl bre sư yak năm hơdai.