Lu 3:4 - Sơ̆p Hlabơar Nơ̆r 'Bok Kei-Dei

⁴ Kră Yang yua lu adrĕch adrung 'nâu wă pơlong lăng lu bơngai Isơrael, wă lăng lăng lu bơngai Isơrael hăm chu kiơ̆ tơdrong juăt mă Kră Yang chih ăn kơ Môis bơtho kơ lu adrĕch adrung lu sư.

Lu 3:4 Iomraidhean Croise

Le 15:25

Môis krao apinh Kră Yang; Kră Yang tơ'bôh ăn kơ sư minh pôm dơng 'long, sư iŏk klơ̆m lăm đak, na đak jing 'lơ̆ng. Na tơ noh, Kră Yang ăn tơdrong juăt hăm tơdrong tơtă ăn kơ kon pơlei păng tơ noh sư pơlong lăng lu sư.

I Kor 11:19

Iĕm ling-lang juăt kơ tơklah dih băl đon thoi noh iĕm tơchĕng lăng, bu kơ iĕm pơm đon 'lơ̆ng đon kơnê̆.

Both 33:8

Môis sơkat kơ Lêwi thoi âu: Thumim păng Urimb Ih ăn boih kơ bơngai băt hli yom wei răk. Bơngai mă Ih pơlong lăng boih tơ Masa, bơngai mă Ih đei pơjah pơjăng boih tơ đak Mêriba;

Both 8:2

Athei 'blŏk kơ đĭ-đăng trong mă Kră Yang 'Bok Kei-Dei iĕm chông anhăk ba iĕm lăm puăn-jĭt sơnăm kơ 'nâu tơ lăm char glă pơmat-tat, wă pơlong iĕm, wă kơ băt iĕm hăm đei wei răk dôm nơ̆r Sư tơtă dah ưh.

Lu 2:22

Inh ăn kơ lu ayăt kơ lu sư oei tơ noh Inh wă pơlong lăng lu bơngai Isơrael, lu sư hăm oei đei wei păng rok kiơ̆ trong Kră Yang thoi lu 'bok yă lu sư mă đêl oei tơ noh ưh.

Lu 3:1

'Nâu boih lu adrĕch adrung mă Kră Yang lê̆ oei đei, yua kơ wă pơlong lăng lu bơngai Isơrael tam mă đei layơ 'bôh tơdrong tơblah tơ dêh char Kanaan.