Lu 3:3 - Sơ̆p Hlabơar Nơ̆r 'Bok Kei-Dei

³ Đei pơđăm 'nu pơm yŏng pơgơ̆r kon pơlei Philistin, đĭ-đăng lu kon pơlei Kanaan kon pơlei Siđôn păng kon pơlei Hêwit oei tơ lăm lu kông Liban, đơ̆ng kông Baal Hermôn truh tơ pơlei Lêbơ Hamat.

Lu 3:3 Iomraidhean Croise

Bl 49:13

Sabulôn oei tơ cheng dơsĭ. Noh jơ̆ anih duk dơ̆ng pơdơh; Bơnơ̆ hơdral sư tơklă tơ Siđôn.

II Sam 24:7

Lu sư năm truh tơ pơlei Tirơ, minh pôm pơlei tih kơjăp, păng năm jơ̆p kơ pơlei bơngai Hêwit păng bơngai Kanaan. Tuch-luch, lu sư năm truh tơ pơlei Bêrsêba gah tơring teh glă gah gơal lăm dêh Juđa.

I Pot 8:65

Kơplah noh đĭ-đăng kon pơlei pơla Isơrael akŭm hơdai hăm pơtao Sôlômôn, akŭm minh anih să iŏk đơ̆ng trong mơ̆t pơlei Hamat truh tơ thong đak Êyiptơ, akŭm 'bơ̆t anăp Kră Yang 'Bok Kei-Dei, lăm tơpơh năr.

I Pot 9:20

Đĭ-đăng lu bơngai mă oei arih đơ̆ng lu bơngai Amôrit, bơngai Hêtit bơngai Phêrisit, bơngai Hêwit păng lu bơngai Jêbus, lu sư ưh kơ trŏ kơ bơngai Isơrael ôh.

Êsêkiên 47:20

Gah bơmơ̆t, rok tơter Đak Dơsĭ Tih, noh hơdral dĭng truh tơ trong năm gah hơlĕch tơ pơlei Lebô Hamat; noh boih hơdral gah bơmơ̆t.

Jo 13:29

Kon pơlei Amalek oei tơ gah gơal, kon pơlei Hêtit, kon pơlei Jêbus păng kon pơlei Amôrit oei lăm tơring jê̆ kông, kon pơlei Kanaan oei cheng dơsĭ păng rok kiơ̆ đak Krong Jôrđăn.

Jo 34:8

iŏk đơ̆ng kông Hôr truh 'bơ̆t trong mơ̆t tơ pơlei Lebô Hamat, dĭng 'bơ̆t Sêđat.

Both 1:7

Năm bĕ yak dăr dơ̆ng năm tơklă tơ kông groi kon pơlei Amôrit kư̆m năm truh tơ lu tơring jê̆ lu sư lăm thŭng glă Araba păng tơ kông groi bơmơ̆t teh dơnă tơ tơring gah gơal rok cheng đak dơsĭ, mơ̆t tơ dêh kon pơlei Kanaan păng char Liban, truh tơ đak krong tih noh krong Ơphrat.

Both 3:9

Kon pơlei Siđôn krao kông Hermôn noh kông Siriôn, gah kon pơlei Amôrit krao kông Sênir;

Jôsuê 11:19

'Nguaih kơ lu bơngai Hêwit oei tơ lăm pơlei Gibeôn đĕch, ưh kơ đei kon pơlei ayơ wă pơgơ̆p hơdai hăm kon pơlei Isơrael, kon pơlei Isơrael yua tơdrong tơblah 'mơ̆i na gơh rôp lu sư.

Jôsuê 11:3

Đei wơh dơ̆ng năm tơ kon pơlei Kanaan gah hơlĕch păng gah bơmơ̆t, tơ kon pơlei Amôrit, Hêtit, Phêrêsit păng kon pơlei Jêbus, oei kơpal kông groi; păng năm truh tơ kon pơlei Hêwit, jê̆ jơ̆ng kông Hermôn, lăm tơring Mispa.

Jôsuê 13:3

Đơ̆ng đak Krong Sihôr gah hơlĕch kơ char Êyiptơ, truh tơ teh đak Ekrôn gah yă-nơ̆m, noh krao char bơngai Kanaan; đei pơđăm 'nu pơtao char Philistin pơgơ̆r tơ Gasa, Asdôt, Askalon, Gat păng Ekrôn păng pơtao kon pơlei Awim;

Jôsuê 13:5

Char Gêbilit păng đĭ char Liban tơ gah măt 'năr lĕch, đơ̆ng Baal Gat ala kơ jơ̆ng kông Hermôn, truh Hamat,

Jôsuê 19:28

Gah pơlei Adôn, Rêhôp, Hammôn păng Kana, truh tơ pơlei tih Siđôn.

Jôsuê 9:7

Mă-lei kon pơlei Isơrael tơl lu bơngai Hêwit: Băt lu iĕm oei jê̆ lu nhôn. Pơm liơ bơ̆n gơh pơgơ̆p băl?

Lu 10:12

Kŭm pơklaih iĕm đơ̆ng lu kon pơlei Siđôn, kon pơlei Amalek păng kon pơlei Maôn pơjuă pơđep lu iĕm. Na lu iĕm krao ôr apinh Inh, na Inh hăm dŏng pơklaih lu iĕm boih đơ̆ng ti lu sư?

Lu 10:7

Kră Yang hil mĭl kơ lu bơngai Isơrael; na Kră Yang jao lu sư kơ lu bơngai Philistin păng lu bơngai Ammôn pơgơ̆r lu sư.

Lu 14:4

Mĕ 'bă sư ưh kơ băt ôh tơdrong 'noh lĕch đơ̆ng Kră Yang; wă chă tơdrong trŏ wă kơ sư pơm kơ kon pơlei Philistin, yua kơ kơplah 'noh lu bơngai Philistin oei pơgơ̆r lu bơngai Isơrael.

Lu 18:7

Pơđăm 'nu noh sư yak năm truh tơ pơlei Lais, lu sư 'bôh kon pơlei pơla tơ noh oei sa rơnŭk rơnua thoi lu kon pơlei Siđôn, oei hơđơ̆ng hiôk-hian păng oei jơnap lăm teh đak ưh kơ đei tơmam kiơ khăi? Lu sư oei ataih đơ̆ng pơlei Siđôn, kư̆m ưh kơ đei tơdrong kiơ hăm bơngai nai.

Lu 3:2

Sư wă pơlong lăng lu bơngai Isơrael, wă pơhrăm pơjuăt lu sư tơdrong tơblah, mă loi lu bơngai tam đei 'bôh tơdrong tơblah sơ̆:

Lu 4:2

Kră Yang jao lu sư lăm ti Jabin pơtao Kanaan, pơgơ̆r tơ pơlei Hasor. Yŏng pơgơ̆r linh noh Sisêra sư oei tơ pơlei Harôsêt Hagôim.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.

I Sam 29:2

Lu kră pơgơ̆r kon pơlei bơngai Philistin păng lu linh năm adrol minh-hrĕng 'nu minh-rơbâu 'nu gah Đawit păng lu bơngai kiơ̆ sư năm đơ̆ng rŏng hơdai hăm Akis.

I Sam 6:16

Pơđăm 'nu lăm Kră pơgơ̆r 'bôh dôm tơdrong noh, lu sư wih brŏk tơ pơlei Ekrôn hloi lăm năr noh.

I Sam 6:18

Lu rup kơne pơm hăm maih kư̆m asong kơ pơđăm tŏ pơlei kiơ̆ kơ pơđăm 'nu kră pơgơ̆r bơngai Philistin iŏk đơ̆ng pơlei tih kơjăp truh tơ lu pơlei iĕ ataih. Tơmo tih mă đêl dan Hom Pơgơ̆p Kră Yang oei đei truh kơ dang ei lăm mir 'bok Jôsuê bơngai pơlei Bêt Sêmes.

I Sam 6:4

Lu sư jet: Tơmam soi yă kiơ lu nhôn pơyơ̆r kơ Kră Yang wă kơ huai iŏk đơ̆ng tơdrong glăi? 'Bok soi păng lu bơngai pơjâu tơl khan: Pơđăm tŏ rup pơtôch pơm păng maih păng pơđăm tŏ kơne pơm păng maih, kiơ̆ kơ kơsơ̆ yŏng pơgơ̆r bơngai Philistin, yua kơ đĭ-đăng lu iĕm păng lu yŏng pơgơ̆r kư̆m đei tơdrong gleh truh lei-lăi ngăl.