Lu 3:12 - Sơ̆p Hlabơar Nơ̆r 'Bok Kei-Dei

¹² Kon pơlei Isơrael pơm kơnê̆ dơ̆ng 'bơ̆t anăp Kră Yang, na Kră Yang ăn kơ Eglôn, pơtao Môap jing pran năm wang blah Isơrael yua kơ lu sư pơm yoch kơnê̆ 'bơ̆t anăp Kră Yang.

Lu 3:12 Iomraidhean Croise

II Pot 5:1

Naaman 'bok yŏng pơgơ̆r linh pơtao đe Aram, sư noh jơ̆ minh 'nu bơngai đei tơdrong gơh kĕ 'bơ̆t anăp yŏng tơ'ngla sư; đe kư̆m pơyom kơ sư dêh yua kơ Kră Yang yua sư tơblah ăn kơ lu kon Pơlei Aram kĕ jei, bơngai 'nâu sư nuih, pran kơtang, mă-lei sư 'bơm chin.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsai 10:15

Hăm trŏ kơ sung tưk sư kơdih hloh kơ tơ'ngla chĕp sư? Dah hơnuă pơrŏ ot plơ̆ kơ bơngai chĕp sư? Dah thoi sơnguĕt hiŏng bơngai chĕp sư? Dah thoi 'long jra tưk ti bơngai chĕp Sư.

Êsai 37:26

Ih ưh tam kơtơ̆ng ôh hă, Inh wă pơm tơdrong noh đơ̆ng sơ̆ đunh bơih? Inh đei pơkă bơih đơ̆ng chăl sơ̆ dang ei Inh ăn tơdrong noh truh jing, noh wă kơ ih pơrăm lu pơlei tih kơjăp pơm kơ lu pơlei tih jing anih pơchah hĕch hoch đĭ.

Êsêkiên 38:16

Ơ Gôk Ih gô blah kon pơlei Isơrael Inh thoi hơmơ̆l gom teh. Lăm năr hơtuch noh Inh gô ăn kơ ih blah char Inh, wă kơ adrĕch kon bơngai băt kơ Inh, kơplah Inh pơdah tơdrong 'lơ̆ng rơgoh Inh đơ̆ng tơdrong truh tơ ih 'bơ̆t anăp lu sư.

Da 4:22

Ơ pơtao, noh jơ̆ ih boih, ih pran kơtang tơdrong ih pơgơ̆r rai kơjung truh tơ plĕnh, tơdrong kĕ ih gom tơ jơ̆p lăm teh đak.

Da 5:18

Ơ pơtao, Kră Yang 'Bok Kei-Dei Tih hloh đei ăn boih tang-dŏ pơtao păng tơdrong pơgơ̆r tih, tơdrong pơyom, tơdrong ư-ang kơ pơtao Nebukatnessar 'bă ih.

Hôsia 6:4

Inh wă pơm liơ kơ lu iĕm, ơ bơngai Êphraim? Inh wă pơm liơ kơ lu iĕm, ơ bơngai Juđa? Iĕm 'mêm thoi tŭk pơgê hrôih, thoi đak ngom 'bônh kơ hrĕng.

Yo 19:11

Yêsu khan: “Dah 'Bok Kei-Dei ưh kơ ăn ih pơm thoi noh, ih ưh kơ gơh pơm kơ Inh ôh. Yua kơ 'noh bơngai mă pơjao lê̆ Inh kơ ih, sư yoch hloh kơ ih.”

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.

Lu 3:11

Dêh char bơngai Isơrael đei rơngei hơđơ̆ng lăm puăn-jĭt sơnăm; truh tơ Ôtniêl, kon drŏ-nglo Kênas lôch.

I Sam 12:9

Mă-lei lu sư hiơt kơ Kră Yang 'Bok Kei-Dei lu sư, na Sư ăn lu sư kơ Sisêra, yŏng lu linh kơ pơtao đe Hasor, ăn lu sư lăm ti đe Philistin păng ăn kơ pơtao Môap; lu đe noh tơblah pơrăm lu sư.