Lu 3:10 - Sơ̆p Hlabơar Nơ̆r 'Bok Kei-Dei

¹⁰ Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Lu 3:10 Iomraidhean Croise

I Ho 12:18

Na Yang Bơhngol 'lơ̆ng jur tơ Amasai pơm yŏng kơ pêng-jĭt 'nu bơngai, na sư khan: “Ơ Đawit, lu nhôn gah ih ngăl! Ơ kon drŏ-nglo Jese, lu nhôn oei hăm ih! Hiôk-hian, hiôk-hian bĕ kơ ih; hiôk-hian kơ bơngai bu tơgŭm ih Kră Yang 'Bok Kei-Dei gô tơgŭm ih!” Na Đawit sơng iŏk lu sư, pơchĕp ăn kơ lu sư pơm yŏng pơgơ̆r linh.

II Ho 15:1

Yang Bơhngol đơ̆ng Kră Yang 'Bok Kei-Dei tơbăt ăn kơ Asaria, kon drŏ-nglo Ôđet,

II Ho 20:14

Kơplah noh, Yang Bơhngol 'lơ̆ng Kră Yang jur mơ̆t lăm Jahasiêl, kon drŏ-nglo Sachari, sâu Bênaia, sâu i Jêiêl, sâu ach Matania, bơngai Lêwi adrĕch adrung Asap; sư dơ̆ng tŏk-bŏk lu bơngai tơpôl oei akŭm.

Horiso 51:11

Apinh 'nĕ puh lê̆ inh đơ̆ng anăp Ih. Kŭm 'nĕ kơ iŏk lê̆ Yang Bơhngol 'lơ̆ng Ih đơ̆ng inh.

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 11:25

Kră Yang jur hăm hơmơ̆l, pơma hăm Môis. Sư iŏk Yang Bơhngol ăn oei hăm Môis păng ăn kơ tơpơh-jĭt 'nu lu kră wei-lăng. Lăp Yang Bơhngol jur oei hăm lu kră, lu sư pơtơm pơma khan lê̆ adrol, mă-lei lu sư ưh kơ pơma khan lê̆ adrol ling-lang hloi ôh.

Jo 11:29

Môis tơl sư: Ih wă chrih gar kơ inh loh? Ô! Apơi rŏ kơ đĭ-đăng kon pơlei Kră Yang gơh pơma khan lê̆ adrol păng rŏ kơ Kră Yang ăn Yang Bơhngol kơ lu sư.

Jo 24:2

Balaam tơmang 'bôh adrĕch Isơrael pơm bơsŭn kiơ̆ kơ adrĕch păng Yang Bơhngol 'Bok Kei-Dei đei oei hơdai sư,

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Hêbrơ 6:4

Mă-lei gah lu bơngai mă băt nhên boih tơdrong Yêsu, 'Bok Kei-Dei ăn kơ sư arih 'nao, ăn kơ sư Yang Bơhngol 'Lơ̆ng oei hơdai hăm sư,

Lu 11:29

Kơplah noh Yang bơhngol 'lơ̆ng Kră Yang jur oei hăm Jeptha; sư năm hlôi kơ char Gileat păng char Manase, năm truh hloi tơ pơlei Mispa lăm char Gileat; đơ̆ng noh sư năm blah kon pơlei Ammôn.

Lu 11:32

Đang kơ 'noh Jeptha năm truh tơ kon pơlei Ammôn tơblah hăm lu sư; Kră Yang pơjao lu kon pơlei Ammôn lăm tơpang ti sư.

Lu 13:25

Yang bơhngol 'lơ̆ng Kră Yang pơih ăn kơ jơhngơ̆m sư pran kơplah sư oei tơ lăm tơring Mahaneh Đan sơlam pơlei Sôra păng Êstaôl.

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 14:6

Yang bơhngol 'lơ̆ng Kră Yang jur oei hơdai sư hăm tơdrong pran. Sư rôp hek hơđah kon dăm-brang nhen thoi hek kon bơbe hăm ti sư; mă-lei sư ưh kơ đei roi kơ mĕ 'bă sư băt ôh tơdrong sư đei pơm.

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

Lu 3:11

Dêh char bơngai Isơrael đei rơngei hơđơ̆ng lăm puăn-jĭt sơnăm; truh tơ Ôtniêl, kon drŏ-nglo Kênas lôch.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.

Lu 6:34

Yang Bơhngol 'lơ̆ng Kră Yang truh oei hơdai Giđêôn; sư hlôm keng krao lu bơngai Abierit akŭm băl kiơ̆ sư.

I Sam 10:10

Wă Sôl truh tơ Gibêah, đei minh khŭl 'bok khan lê̆ adrol sơng sư. Yang Bơhngol Kră Yang mơ̆t lăm sư, sư kư̆m khan lê̆ adrol hơdai lu sư.

I Sam 10:6

Yang bơhngol Kră Yang gô mơ̆t lăm ih gô suang khan lê̆ adrol hăm lu sư, ih gô jing bơngai nai.

I Sam 11:6

Lăp Sôl kơtơ̆ng tơdrong noh, sư đei Yang Bơhngol đơ̆ng Kră Yang 'Bok Kei-Dei pơtrŭt sư păng sư hil blĕk ơh dêh.

I Sam 16:13

Samuel iŏk hơke đak rơmă, tuh ăn kơ Đawit mă oei tơm măt lu 'nhŏng oh sư. 'Bơ̆t noh hloi Yang Bơhngol 'Lơ̆ng Kră Yang oei hơdai Đawit ling-lang hloi. Samuel iung brŏk tơ Rama.