Lu 21:5 - Sơ̆p Hlabơar Nơ̆r 'Bok Kei-Dei

⁵ Na lu kon pơlei Isơrael khan: Lăm lu adrĕch bơngai Isơrael bu mă ưh kơ đei akŭm hơdai bơ̆n 'bơ̆t anăp Kră Yang tơ âu? Lu sư khan thoi noh yua kơ lu bơngai Isơrael đei pơkă pơkăm boih: Bơngai bu mă ưh kơ năm truh akŭm tơ Mispa 'bơ̆t anăp Kră Yang, bơngai 'noh đe gô pơlôch sư!

Lu 21:5 Iomraidhean Croise

Je 48:10

Hiap bĕ lu bơngai jang kơ Kră Yang mă hơlĕnh pơdăr. Hiap bĕ lu bơngai ưh kơ yua đao gưm sư pơlôch đe!

Lu 21:1

Tơ lăm pơlei Mispa, lu kon pơlei Isơrael đei pơkă pơkăm băl: Lăm lu bơ̆n ưh kơ gơh ăn kon drŏ-kăn bơ̆n iŏk klo đơ̆ng bơngai Bênjamin.

Lu 21:18

Lu bơ̆n ưh kơ gơh ăn kon drŏ-kăn bơ̆n pơm akăn lu sư ôh yua kơ kon pơlei Isơrael pơkă pơkăm boih: Hiap pơtê̆ bĕ kơ bơngai bu mă rôp kon drŏ-kăn sư ăn kơ bơngai Bênjamin pơm akăn!

Lu 21:6

Na lu bơngai Isơrael đĭ-đăng băt kơ hmach sơ'ngon kơ dôm tơdrong mă truh kơ lu bơngai Bênjamin, 'nhŏng oh lu sư, na lu sư khan: Năr 'nâu minh adrĕch hiong boih đơ̆ng adrĕch Isơrael.

Lu 5:23

Linh jang Kră Yang khan: Hiap bĕ kon pơlei Mêrơs; Hiap bĕ lu kon pơlei sư mă kơnê̆. Yua kơ lu sư ưh kơ wă tơgŭm Kră Yang, Lu sư ưh kơ đei tơgŭm Kră Yang blah lu bơngai mă pơm kơnê̆ dêh!

I Sam 11:7

Sư rôp minh hơgrop rơmo, sư kăt soch lê̆ na wơh bơngai chă asong jơ̆p-jang kơ dêh char Isơrael păng hăm nơ̆r tơbăt: Bơngai bu ưh kơ wă kiơ̆ Sôl păng Samuel, na lu rơmo lu sư kư̆m gô kăt soch thoi noh mơ̆n. Kră Yang pơm kơ kon pơlei băt hli kơ Sôl, na đĭ-đăng lu sư năm kiơ̆ sư.

I Sam 14:24

Kŭm lăm năr 'noh, bơngai Isơrael lap pă kĕ boih yua kơ Sôl athei 'blŏk nơ̆r đei pơkă pơkăm: Trŏ kơ hiap pơtê̆ bơngai ayơ mă sa tơmam kiơ adrol kơ 'năr kơsơ̆ huơ huĭnh wă măng, đang adrol kơ inh blah lu bơngai ayăt kơ inh! Yua kơ noh, na đĭ-đăng kon pơlei kơ̆m kơ pơ̆n sa tơmam kiơ hloi.