Lu 21:4 - Sơ̆p Hlabơar Nơ̆r 'Bok Kei-Dei

⁴ Pơgê năr đơ̆ng rong lu kon pơlei pơla iung đơ̆ng hrôih pơm minh pơm chơnang soi păng pơyơ̆r tơmam soi 'buh păng pơyơ̆r tơmam soi 'blŏk bơnê.

Lu 21:4 Iomraidhean Croise

II Sam 24:18

Lăm năr noh, Gat bơngai khan lê̆ adrol năm khan kơ pơtao Đawit: “Apinh pơtao năm truh tơ dơnih pơjuă 'ba Arauna bơngai Jêbus păng tơiung pơdơ̆ng 'bơ̆t doh minh pôm chơnang soi kơkuh kơ Kră Yang.”

II Sam 24:25

Đawit pơm minh pôm chơnang soi kơkuh, wă kơkuh kơ Kră Yang, pơtao pơyơ̆r kơ Kră Yang tơmam soi 'buh. Păng tơmam soi hiôk-hian. Kră Yang tơl tơwih nơ̆r pơtao krao apinh ăn kơ teh đak, păng tơdrong jĭ hơbuh pơdơh ưh pă pơrăm kon pơlei Isơrael dơ̆ng.

I Pot 8:64

Lăm năr 'noh pơtao Sôlômôn sư klah sư 'măn lê̆ minh anih tŏk-bŏk cham 'bơ̆t anăp, Hnam akŭm Kră Yang; tơ anih 'noh sư wă pơyơ̆r tơmam soi 'buh, tơmam soi pơyơ̆r phe 'ba, păng tơmam soi rơmă tơmam soi 'blŏk bơnê, yua chơnang pơm hăm kong noh iĕ, ưh kơ mah wă dan đĭ dôm lu tơmam soi 'buh, tơmam soi pơyơ̆r phe 'ba, lu rơmă tơmam soi 'blŏk bơnê.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Both 12:5

Mă-lei lu iĕm athei chă anih ayơ lăm adrĕch Isơrael, mă Kră Yang 'Bok Kei-Dei lu iĕm gô rơih iŏk pơm anih oei păng 'măn Anăn Sư, lu iĕm akŭm kơkuh.

Hêbrơ 13:10

Yêsu soi akâu Sư kơ 'Bok Kei-Dei sơ̆ kư̆m thoi tơmam đe soi kơ 'Bok Kei-Dei tơ anih giĕng tih. Mă dôm tơmam đe soi tơ lăm anih giĕng tih noh, đĭ-đăng kơ lu bơngai jang lăm hnam 'Bok Kei-Dei ưh kơ đei bu gơh sa; mă-lei kư̆m dang bơ̆n gơh sa mơ̆n, yua kơ Yêsu khan bơ̆n gơh sa akâu Sư, huch pham Sư.

Lu 20:26

Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

Lu 21:3

Lu sư krao khan: Ơ Kră Yang, 'Bok Kei-Dei Isơrael, yua kơ kiơ dang ei lăm adrĕch Isơrael ưh pă tơm boih, lu nhôn hiong boih minh adrĕch.

Lu 6:24

Giđêôn pơm minh pơm chơnang soi kơ Kră Yang tơ noh. Păng anăn anih noh Kră Yang Ăn Hiôk-Hian. Chơnang noh oei đei truh tơ năr 'nâu tơ pơlei Ôphra, lăm dêh lu bơngai Abierit.

Lu 6:26

Đơ̆ng noh ih athei man minh pơm chơnang soi kơ Kră Yang 'Bok Kei-Dei ih, tơ kơpal tơmo 'nâu kiơ̆ thoi đei pơkă boih. Đơ̆ng noh rôp bĕ kon rơmo dăm mă 'bar, pơm tơmam soi 'buh pơyơ̆r. Iŏk 'long gơ̆ng Sêra noh pơm ŭnh 'buh tơmam soi.

I Sam 7:17

Na sư wih brŏk tơ pơlei Rama, anih hnam sư oei. Tơ noh sư kư̆m sek tơlang kơ kon pơlei Isơrael păng pơm chơnang soi kơkuh kơ Kră Yang.