Lu 21:21 - Sơ̆p Hlabơar Nơ̆r 'Bok Kei-Dei

²¹ Păng lăng mưh 'bôh lu drŏ-kăn đơ̆ng Silô lĕch hơri suang na lu iĕm athei lĕch hloi đơ̆ng pơgar hơmu 'noh, đơ̆ng noh rim 'nu lu iĕm athei rôp iŏk minh 'nu adruh đơ̆ng pơlei Silô 'noh pơm akăn, păng wih brŏk tơ char Bênjamin.

Lu 21:21 Iomraidhean Croise

II Sam 6:14

Wă hơri bơnê kơ Kră Yang, Đawit iŏk hrŭk ao êphot, na suang đĭ jơhngơ̆m chơt hiôk.

II Sam 6:21

Đawit tơl khan: “Inh suang wă ư-ang kơ Kră Yang Tơ'ngla mă rơih iŏk inh ưh kơ rơih 'bă ih păng đĭ kơ adrĕch sư, Sư pôk inh pơm pơtao kon pơlei Isơrael, jing kon pơlei Kră Yang, lei na inh suang chơt hiôk wă ư-ang kơ Kră Yang.”

Horiso 149:3

Ăn kơ lu sư suang kơkuh bơnê bĕ kơ Anăn Sư. Iŏk hơgơ̆r iĕ păng brŏ hơri bơnê bĕ kơ Sư.

Horiso 150:4

Teh bĕ hơgơ̆r chrang păng suang hơri bơnê kơ Sư! Reh brŏ tơlei păng hlôm 'lal, hơri ư-ang kơ Sư.

Le 15:20

Miriam mŏ Arôn bơngai drŏ-kăn khan lê̆ adrol păng lu drŏ-kăn dai kiơ̆, đơ̆ng rŏng chĕp hơgơ̆r iĕ suang rah.

Bôk Bơthô 3:4

Đei năr nhơ̆m hmoi, đei năr hiôk chơt; Đei năr ơh sơ'ngon, đei năr hơri suang;

Hơri Hiôk 6:13

Ơ adruh Sulam, brŏk bĕ, brŏk bĕ, jah brŏk bĕ, brŏk bĕ, wă kơ lu nhôn gơh 'bôh ih Adruh Yua kơ kiơ lu iĕm oei lăng kơ adruh Sulam. Thoi lăng khŭl Mahanaim suang.

Je 31:13

Lu adruh hle chơt hiôk suang pơplŏng, lu tơdăm păng lu kră drŏ-nglo kư̆m wang chơt hiôk; Inh gô tơplih tơdrong ơh sơ'ngon lu sư jing tơdrong chơt hiôk, Inh gô pơlung lu sư ăn kơ lu sư tơdrong chơt hiôk tơplih kơ tơdrong ơh sơ'ngon.”

Mathiơ 10:17

Iĕm athei kơchăng, yua kơ đe gô rôp iĕm jao kơ lu kră sek tơlang păng tôn teh iĕm tơ hnam akŭm đe Juđê.

Luka 17:25

“Mă-lei blŭng-a dang ei Inh gô đei tơdrong anat tơpă 'mơ̆i yua kơ lu bơngai jơhnơr ahrei ưh kơ wă kơ Inh.

Lu 11:34

Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.

Lu 21:20

Lu sư khan kơ bơngai Bênjamin: Năm răp bĕ lăm lu pơgar hơmu;

I Sam 18:6

Đang kơ Đawit pơlôch bơngai Philistin, wih brŏk hăm lu linh sư, na lu bơngai drŏ-kăn rim kơ pơlei bơngai Isơrael lĕch năm sơng Sôl, hơri suang, teh hơgơ̆r iĕ hăm brŏ tĭng-nĭng păng jreo nơ̆r hiôk chơt.