Lu 21:13 - Sơ̆p Hlabơar Nơ̆r 'Bok Kei-Dei

¹³ Đơ̆ng noh kon pơlei bơngai akŭm wơh bơngai năm tơ'bơ̆p bơngai Bênjamin, mă oei ôn lăm hơgơp tơmo Rimôn, wă pơma dơnuh pơhiôk hăm lu sư.

Lu 21:13 Iomraidhean Croise

Êsai 57:19

wă khan: Ăn nơ̆r hơri bơnê tơ 'bơ̆r lu bơngai nhơ̆m hmoi lăm lu bơngai Isơrael. Kră Yang khan: Hiôk-hian, hiôk-hian bĕ kơ bơngai oei ataih păng lu bơngai oei jê̆, Inh gô pơklaih lu sư.

Luka 10:5

Lăp wă mơ̆t tơ hnam đe, iĕm khan: ‘'Bok Kei-Dei ăn kơ hnam iĕm chơt hiôk.’

Êphêsô 2:17

Yêsu Krist jur bơtho tơdrong hiôk-hian kơ lu iĕm bơngai nai mă ataih kơ Sư sơ̆; lu bơngai Juđê mă ưh kơ ataih kơ Sư, Sư kư̆m bơtho mơ̆n.

Both 20:10

Kơplah wă năm wang blah pơlei ayơ, adrol hloh athei pơma hiôk hăm pơlei noh.

Jôsuê 15:32

Lêbaôt, Silhim, Ain, hăm Rimôn; đĭ-đăng đei 'bar-jĭt tơsĭn tŏ pơlei tih hăm pơlei iĕ lu sư.

Lu 20:45

Mă lăm lu bơngai kơdâu wơ̆t tơ rŏng ôn tơ lăm char glă, năm tơ gah hơgơp tơmo Rimôn, bơngai Isơrael kư̆m pơlôch tơ rok trong pơđăm-rơbâu 'nu bơngai dơ̆ng. Lu sư druh truh tơ pơlei Gidôm păng lu sư đei pơlôch 'bar-rơbâu 'nu dơ̆ng.

Lu 20:47

Đei lu mơ'nah kơdâu ôn lăm char glă tơ hơgơp tơmo Rimôn, oei ôn tơ noh truh tơ puăn khei.

Lu 21:12

Lu sư chă 'bôh bơih lăm pơlei Jabes tơ Gileat đei puăn-hrĕng 'nu drŏ-kăn oei hơdruh hle hơnĭl tam mă đei juăt hăm bơngai drŏ-nglo, na chông ba lu sư mơ̆t lăm kơđông tơ Silô lăm dêh Kanaan.

Lu 21:14

Lu bơngai Bênjamin wih brŏk lu bơngai Isơrael rôp ăn kơ lu sư dôm lu bơngai drŏ-kăn mă lu sư mơnat ăn oei arih đơ̆ng pơlei Jabes tơ Gileat, mă-lei ưh kơ đei tôm kơ lu sư ôh.