Lu 20:6 - Sơ̆p Hlabơar Nơ̆r 'Bok Kei-Dei

⁶ Đơ̆ng noh, inh chơ iŏk akâu akăn inh, chơ̆ng hơjăl, na ăn kơ đe năm ba tơ jơ̆p kơ teh đak Isơrael yua kơ lu sư đei pơm boih tơdrong kơnê̆ dêh thoi noh pơm pơ'brơh 'mê̆-'mach lăm char Isơrael.

Lu 20:6 Iomraidhean Croise

Bl 34:7

Lu kon drŏ-nglo Jakôp brŏk đơ̆ng bri, lu sư 'nao băt tơdrong noh, na lu sư hil hơwĕng dêh; yua kơ tơdrong pơ'brơh pơm kơnê̆ kơ adrĕch adrung Isơrael, 'bĭch hơdai hăm kon adruh Jakôp, noh jơ̆ tơdrong lu sư ưh kơ wă kơ đei thoi noh.

Lêwi 18:24

Lu iĕm 'nĕ kơ pơm minh tơdrong kiơ lăm dôm tơdrong noh na pơm kơ akâu iĕm kơdih jing kơnê̆ 'mê̆-'mach, lu kon pơlei mă Inh puh tơweh đơ̆ng anăp măt lu iĕm, lu sư jing kơnê̆ 'mê̆-'mach bơih.

Lêwi 18:30

Thoi noh na lu iĕm athei wei răk bĕ tơdrong Inh tơtă, 'nĕ kơ pơm ôh minh lăm tơdrong juăt kơnê̆ mă Inh areh âu, mă lu oei adrol kơ iĕm lu sư pơm boih păng lu iĕm 'nĕ yua tơdrong kơnê̆ noh na pơm kơ iĕm jing kơnê̆ 'mê̆-'mach, Inh boih Kră Yang 'Bok Kei-Dei lu iĕm.

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Lu 19:23

Tơ'ngla hnam 'noh lĕch tơ 'nguaih khan kơ lu sư: Ơ lu 'nhŏng oh inh, 'nĕ kơ pơm tơdrong kơnê̆ âu; inh sơng iŏk bơngai âu mơ̆t lăm hnam inh, iĕm 'nĕ kơ pơm yoch kơnê̆ kơ sư.

Lu 19:29

Lăp truh tơ hnam boih, sư iŏk săng, chơ̆ng jơ̆ng ti akâu akăn kơnhŏng sư mơjĭt-'bar jăl chă ba tơ jơ̆p teh đak Isơrael.

Lu 20:10

Lu bơ̆n athei rơih iŏk mơjĭt 'nu drŏ-nglo lăm minh-hrĕng đơ̆ng đĭ-đăng lăm adrĕch bơngai Isơrael; lăm minh-rơbâu klah rơih iŏk minh-hrĕng 'nu, lăm mơjĭt-rơbâu rơih iŏk minh-rơbâu; lê̆ lu sư chă ba tơmam sa ăn kơ lu kon pơlei pơla mưh lu linh bơ̆n truh tơ noh lu bơ̆n gô pơm kơ pơlei Gibêah lăm char Bênjamin kiơ̆ thoi sư pơm kơnê̆ pơ'brơh lăm char Isơrael.