Lu 20:5 - Sơ̆p Hlabơar Nơ̆r 'Bok Kei-Dei

⁵ Lu drŏ-nglo pơlei Gibêah wă pơm kơ inh, lu sư wang hnam inh 'bĭch; lu sư wă pơlôch inh ră, na pơm pơ'brơh kơ akăn kơnhŏng inh dĭng sư lôch.

Lu 20:5 Iomraidhean Croise

Lêwi 18:24

Lu iĕm 'nĕ kơ pơm minh tơdrong kiơ lăm dôm tơdrong noh na pơm kơ akâu iĕm kơdih jing kơnê̆ 'mê̆-'mach, lu kon pơlei mă Inh puh tơweh đơ̆ng anăp măt lu iĕm, lu sư jing kơnê̆ 'mê̆-'mach bơih.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 22:24

Lu iĕm athei chông ba đĭ 'bar 'nu bơngai noh lĕch năm 'bơ̆t 'măng jang pơlei, na iŏk tơmo klơ̆m pơlôch măr sư; bơngai drŏ-kăn glăi yua kơ ưh kơ đei ôr krao lăm pơlei dŏng sư, bơngai drŏ-nglo glăi yua kơ pơm yoch hăm akăn bơngai nai; iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu kon pơlei iĕm.

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Lu 19:28

Sư khan kơ drŏ-kăn: Adrin Iung bĕ, lu bơ̆n wă yak; mă-lei drŏ-kăn ei ưh kơ đei tơl sư lôch boih. Đơ̆ng noh sư hơtŏk drŏ-kăn ei kơpal aseh iĕ sư, yak brŏk wih tơ hnam sư.

Lu 20:4

Thoi noh bơngai Lêwi klo bơngai drŏ-kăn mă lôch tơl: Inh mơ̆t lăm pơlei Gibêah lăm char Bênjamin, inh hăm akăn kơnhŏng inh; nhôn wă 'bĭch tep tơ noh.