Lu 20:35 - Sơ̆p Hlabơar Nơ̆r 'Bok Kei-Dei

³⁵ Kră Yang blah pơrăm lu bơngai Bênjamin 'bơ̆t anăp lu bơngai Isơrael; lăm năr 'noh lu bơngai Isơrael pơlôch 'bar-jĭt pơđăm-rơbâu minh-hrĕng 'nu lu bơngai Bênjamin, đĭ-đăng lu sư bơngai hơgei chĕp khêl đao gưm ngăl.

Lu 20:35 Iomraidhean Croise

Jop 20:5

Lu bơngai pơm kơnê̆ chhôk lăp tŏ sĕt đĕch, Păng tơdrong chơt hiôk lu bơngai ưh kơ lui kư̆m lăp minh bruh mơ̆n.

Lu 20:15

Lăm năr 'noh, lu bơngai Bênjamin pơtơm băl đơ̆ng lu pơlei truh tơ noh, đĭ-đăng đei 'bar-jĭt tơdrâu-rơbâu 'nu bơngai drŏ-nglo gơh hơgei chĕp khêl đao gưm thim đơ̆ng pơlei Gibêah đei tơpơh-hrĕng 'nu lu linh hơgei kơ chĕp khêl đao đe rơih boih.

Lu 20:34

Na mơjĭt-rơbâu 'nu lu linh Isơrael pran kơtang tơblah 'bơ̆t anăp pơlei Gibêah, lu sư blah drŭt tơ anăp, tơblah tih dêh tơpă. Mă-lei lu bơngai Bênjamin oei ưh kơ băt tơdrong răm wă truh tơ lu sư.

Lu 20:36

Na lu bơngai Bênjamin băt 'bôh thuơ boih Lu bơngai Isơrael pơm kơdŭn tơ rŏng đơ̆ng anăp lu bơngai Bênjamin; yua kơ lu sư hơmĕng kơ đei bơngai răp tơ jê̆ pơlei Gibêah 'noh dai.