Lu 20:23 - Sơ̆p Hlabơar Nơ̆r 'Bok Kei-Dei

²³ Lu bơngai Isơrael tŏk nhơ̆m hmoi 'bơ̆t anăp Kră Yang, truh tơ kơmăng hloi. Lu sư krao apinh Kră Yang: Lu nhôn wă tơblah dơ̆ng ưh hăm lu 'nhŏng oh nhôn bơngai Bênjamin? Kră Yang tơl: Lu iĕm năm blah lu sư bĕ.

Lu 20:23 Iomraidhean Croise

II Sam 3:35

Đơ̆ng noh đĭ-đăng lu sư năm jê̆ tơ Đawit, pơlung pơlŭt sư sa 'biơ̆ 'bĕng tŏ sĕt adrol kơ 'năr mơ̆t. Mă-lei Đawit pơkăm khan: “Tơdah adrol kơ 'năr mơ̆t inh đei sa minh pôm 'bĕng dah tơmam sa kiơ nai, apinh Kră Yang 'Bok Kei-Dei phak inh mă trăp.”

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.

Jôsuê 7:7

Jôsuê khan: Ô Kră Yang inh, liơ mă Kră Yang ăn kon pơlei âu tŏk hlôi kơ đak Krong Jôrđăn, wă jao ăn lu nhôn răm lăm ti lu bơngai Amôrit pơlôch đĭ. Ô kuă kơ kiơ lê̆ lăi lu nhôn hiôk oei gah to kơ đak Krong Jôrđăn!

Lu 1:1

Đơ̆ng rŏng kơ Jôsuê lôch, kon pơlei Isơrael krao apinh Kră Yang khan: Bơngai bu lăm lu nhôn athei năm blah păng kon pơlei Kanaan adrol?

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Lu 20:22

Mă-lei lu bơngai Isơrael pơlung tơiung jơhngơ̆m dih băl klah song, lu sư săp wă blah tơ anih đêl lu sư tơblah băl năr adrol noh.

Lu 20:24

Thoi noh wơ̆t mă 'bar lu bơngai Isơrael pơtơm băl năm blah lu bơngai Bênjamin.

Lu 21:2

Đơ̆ng noh lu kon pơlei năm tơ pơlei Bethel hơ-oei tơ noh 'bơ̆t anăp Kră Yang 'Bok Kei-Dei Kră Yang truh tơ kơsơ̆ măng, nhơ̆m hmoi ôr hơdrĭ dêh.

I Sam 10:3

Đơ̆ng noh ih kư̆ yak năm, truh tơ tơm 'long kôih Tabôr, ih gô tơ'bơ̆p pêng 'nu năm tơ pơlei Bethel. Wă kơkuh kơ Kră Yang 'Bok Kei-Dei, minh 'nu chĕp ba pêng tŏ kon bơbe tơno, minh 'nu chĕp ba pêng tŏ 'bĕng păng bơngai mă pêng chĕp ba minh tŏ get akar sik.

I Sam 11:4

Thoi noh lu bơngai đei wơh ei năm tơ Gibêah, pơlei đe Sôl, roi dôm nơ̆r ei ăn kơ kon pơlei pơla kơtơ̆ng. Đĭ-đăng kon pơlei nhơ̆m ôr.

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.