Lu 20:16 - Sơ̆p Hlabơar Nơ̆r 'Bok Kei-Dei

¹⁶ Lăm lu Bênjamin 'nâu đei tơpơh-hrĕng 'nu gơh yua ti 'ngiĕo, đĭ-đăng lu bơngai 'noh hơgei kơ klơ̆m tơmo. Lu sư gơh klơ̆m rĕng kơ minh ioi sŏk kư̆m oei 'bơm, ưh kơ bloih.

Lu 20:16 Iomraidhean Croise

I Ho 12:2

Lu sư tă hơgei prah hră ngăl, gơh yua tơlei hơwơ̆t tơmo, chĕp hră prah 'brơ̆m ti gah 'ma thoi gah 'ngiĕo; đĭ-đăng lu sư adrĕch adrung Sôl, bơngai Bênjamin.

II Ho 26:14

Usia hơmet pơchĕp ăn kơ khŭl linh, khêl, đao tơju, môk mam, ao lŏ mam, hră păng 'brơ̆m tơmo wă prah.

Lu 20:17

Lu bơngai Isơrael, ưh kơ đei jơ̆ lu bơngai Bênjamin, akŭm băl đĭ-đăng đei puăn-hrĕng rơbâu 'nu lu bơngai gơh hơgei kơ chĕp khêl đao, đĭ-đăng 'noh tă kơ linh hơgei tơblah ngăl.

Lu 3:15

Mă-lei mưh kon pơlei Isơrael krao ôr apinh Kră Yang, Kră Yang rơih ăn kơ lu sư minh 'nu 'bok dŏng pơklaih, anăn sư Êhut, kon drŏ-nglo Gêra, sư adrĕch Bênjamin. 'Noh bơngai juăt kơ yua ti gah 'ngiĕo. Kon pơlei Isơrael wơh sư chĕp ba tơmam ra ăn kơ Eglôn, pơtao Môap.

I Sam 17:40

Đawit chĕp minh pơm 'long jra, chă dônh rơih iŏk pơđăm tŏ tơmo iêl hlăng tơter thong đak, tah lăm kơdŭng chơbĭ sư wei triu 'băk rim năr păng tơ'bla tơlei akar tơ ti sư, lĕch năm tơ anăp bơngai Philistin noh.

I Sam 25:29

Tơdah đei bu wă iung pơm kơnê̆ păng pơrăm tơdrong arih ih Kră Yang 'Bok Kei-Dei ih gô bơwei tơdrong arih lăm hơnŭng lu bơngai arih; gah tơdrong arih lu bơngai ayăt kơ ih, Kră Yang gô klơ̆m tŭk lê̆ mă ataih thoi hră prah 'brơ̆m tơmo.