Lu 20:13 - Sơ̆p Hlabơar Nơ̆r 'Bok Kei-Dei

¹³ Jao bĕ kơ lu nhôn lu bơngai kơnê̆ pơm kư̆ kă krưp dêh noh đơ̆ng lăm pơlei Gibêah, lê̆ lu nhôn pơlôch lu sư wă sŭt pơgoh đĭ tơdrong kơnê̆ noh đơ̆ng lăm bơngai Isơrael. Mă-lei lu bơngai Bênjamin ưh kơ đei wă mơ̆ng nơ̆r lu 'nhŏng lu sư, bơngai Isơrael athei.

Lu 20:13 Iomraidhean Croise

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 23:6

Mă-lei lu khŭl bơngai kơnê̆, đĭ-đăng lu sư tă kơ buch hŭt lê̆ thoi lĕ tơm jơla ưh kơ đei bơngai bu pơ̆n kơđôp lu sư lăm tơpang ti.

I Pot 21:13

Đơ̆ng noh ăn 'bar 'nu bơngai hơ-oei 'bơ̆t anăp Nabôt; na jâu sư 'bơ̆t anăp kon pơlei pơla khan: “Nabôt hiap Kră Yang 'Bok Kei-Dei păng hiap pơtao.” Na lu sư dui Nabôt lĕch tơ jih pơlei klơ̆m pơlôch sư păng tơmo.

II Ho 13:7

Lu bơngai kơnê̆ kư̆ kă năm kiơ̆ ih; tơblah hăm Rêhôbôam, kon drŏ-nglo Sôlômôn; Rêhôbôam; sư oei mơlôh, ưh kơ kĕ tơblah hăm ih.

II Ho 25:16

Mă-lei kơplah 'bok khan lê̆ adrol oei pơma, pơtao khan plơ̆: “Nhôn hăm đei pôk ih chă đon kơ inh? Weh bĕ, ih 'maih lôch hă?” 'Bok khan lê̆ adrol noh ngăn na khan: “Inh băt Kră Yang wă pơlôch pơrăm ih, yua kơ ih đei pơm boih tơdrong noh păng ưh kơ wă mơ̆ng nơ̆r inh.”

II Ho 25:20

Mă-lei Amasia ưh kơ wă mơ̆ng, yua kơ tơdrong âu đơ̆ng Kră Yang 'Bok Kei-Dei wă pơjao lu sư lăm ti Jêhôas, yua kơ đơ̆ng lu sư chơchă kơkuh kơ yang bơngai Eđôm.

Tơdrông Pơđơk 29:1

Bơngai bu đei chrih ling-lang, Mă-lei oei arăng kơ̆l, Gô đei tơdrong truh blư bla na ưh pă kơ đei gơh dŏng pơklaih.

Bôk Bơthô 11:10

Thoi noh, puh tơweh bĕ dôm tơdrong sơ'ngon đơ̆ng lăm jơhngơ̆m păng hiơt bĕ lu tơdrong chhŭr nuih jĭ jăn lăm akâu, yua kơ chăl hơmuh hơmŏng păr hiong kiơ̆ kơ khei 'năr ưh kơ đei yua kiơ.

Hôsia 10:9

Ơ Isơrael, lu iĕm pơm yoch boih đơ̆ng năr iĕm pơm kơnê̆ tơ pơlei Gibêah! Lu iĕm oei pơm yoch ngăl, Hăm trŏ tơdrong tơblah tih hăm lu kon bơngai yoch kơnê̆ tơ pơlei Gibêah gô truh tơ iĕm?

Hôsia 9:9

Khŭl Isơrael pơ̆k huŏng răm jrŭ dêh tơpă lăm tơdrong kơnê̆, kư̆m dang tơdrong kơnê̆ lăm pơlei Gibêah. Kră Yang gô 'blŏk kơ tơdrong kơnê̆ lu sư, na gô phak pơbral lu sư yua kơ tơdrong yoch lu sư.

Rom 1:32

Bơ̆n băt kơ ning-mônh 'Bok Kei-Dei wă phak dôm lu bơngai thoi noh ră, mă-lei bơ̆n kư̆m oei pơm khŏm khŏm thoi noh. Bơ̆n 'bôh đe pơm yoch thoi noh, bơ̆n khan tơdrong 'lơ̆ng tơdrong trŏ.

II Kor 6:15

Kră Yang Yêsu Krist hăm yang sơmăt ưh kơ layơ chu băl; bơngai lui hăm bơngai ưh kơ lui ưh kơ đei tơdrong kiơ gơh pơgơ̆p băl hơdai.

Both 13:13

đei lu bơngai kơnê̆ iung năm pơhlŭ pơlung kon pơlei noh, khan: Bĕ bơ̆n năm kơkuh kơ yang nai, yang mă lu iĕm tam lah băt,

Both 13:5

Athei pơlôch bơngai khan lê̆ adrol dah bơngai juăt apo noh, yua kơ sư pơhlŭ pơtơm iĕm iung blah Kră Yang 'Bok Kei-Dei lu iĕm, Tơ'ngla mă chông ba lu iĕm lĕch đơ̆ng dêh Êyiptơ, dŏng pơklaih lu iĕm đơ̆ng pơm đĭch, bơngai noh kư̆m chă đon wă pơm kơ iĕm achăng lê̆ trong Kră Yang 'Bok Kei-Dei iĕm tơhlâu tơ'bôh ăn kơ iĕm trong wă rok kiơ̆, athei pơlôch lu bơngai pơm kơnê̆ wă tơhiong lê̆ tơdrong yoch đơ̆ng lăm lu iĕm.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,

Both 17:12

Bơngai bu, ưh kơ chu kiơ̆ kơ 'bok soi dah 'bok sek tơlang oei bơ̆jang kơ Kră Yang 'Bok Kei-Dei iĕm, bơngai noh athei pơlôch. Iĕm athei sŭt pơgoh pă đei tơdrong kơnê̆ lăm Isơrael dơ̆ng.

Both 17:7

Lu bơngai drơ̆ng athei yơ̆r ti adrol hloh pơlôch bơngai noh, pơtrơp đơ̆ng rŏng kơ noh ti lu kon pơlei. Thoi noh, gô pơlôch pơgoh lê̆ lu tơdrong kơnê̆ đơ̆ng lăm kon pơlei iĕm.

Both 19:19

Lei ih athei pơm kơ sư thoi sư đei pơm kơ 'nhŏng oh sư; lu iĕm athei pơm rơgoh tơdrong yoch đơ̆ng lăm kon pơlei iĕm thoi noh.

Both 21:21

Đơ̆ng noh đĭ-đăng, lu drŏ-nglo lăm pơlei klơ̆m pơlôch sư păng tơmo; iĕm pơm rơgoh tơdrong kơnê̆ đơ̆ng lăm kon pơlei păng đĭ-đăng kon pơlei Isơrael gô kơtơ̆ng tơdrong noh na hli tơrơ.

Both 22:21

Lei lu kră pơlei athei chông ba drŏ-kăn noh truh 'bơ̆t 'măng hnam 'bă sư, kon pơlei gô klơ̆m pơlôch drŏ-kăn noh hăm tơmo, yua kơ bơngai drŏ-kăn noh đei pơm tơdrong yoch kơnê̆ lăm Isơrael. Pơm pơyô ngôi kư̆ kă adrol kơ chă klo, kơplah sư oei lăm hnam 'bă sư. Thoi noh. Lu iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu iĕm.

Both 22:24

Lu iĕm athei chông ba đĭ 'bar 'nu bơngai noh lĕch năm 'bơ̆t 'măng jang pơlei, na iŏk tơmo klơ̆m pơlôch măr sư; bơngai drŏ-kăn glăi yua kơ ưh kơ đei ôr krao lăm pơlei dŏng sư, bơngai drŏ-nglo glăi yua kơ pơm yoch hăm akăn bơngai nai; iĕm gô pơm rơgoh hŭt lê̆ tơdrong yoch kơnê̆ đơ̆ng lăm lu kon pơlei iĕm.

Both 24:7

Tơdah đei bơngai bu rôp tơtông iŏk lu 'nhŏng oh iĕm bơngai Isơrael păng rôp pơm đĭch, dah rôp tĕch, lei bơngai tơtông noh athei pơlôch. Lu iĕm athei hơpuih pơgoh lê̆ tơdrong kơnê̆ đơ̆ng lăm lu iĕm.

Lu 19:22

Kơplah lu sư oei sŏng sa hiôk chơt đei lu bơngai drŏ-nglo kơnê̆ lăm pơlei 'noh wang tăp kơ hnam 'noh gơgŭ 'măng; lu sư khan kơ 'bok kră tơ'ngla hnam 'noh: Athei ih tơlĕch bĕ bơngai 'noh đơ̆ng lăm hnam ih, lê̆ lu nhôn ngôi kư̆ kă lăm sư.

Lu 20:12

Dôm lu adrĕch Isơrael wơh lu bơngai năm jơ̆p tơ rim tơring bơngai Bênjamin, na khan: Tơdrong kơnê̆ krưp dêh lăm lu iĕm noh liơ?

Lu 20:14

Lu bơngai Bênjamin lĕch đơ̆ng pơlei lu sư păng năm akŭm băl tơ pơlei Gibêah wă tơblah bơngai Isơrael.

I Sam 2:25

Tơdah minh 'nu bơngai pơm yoch hăm bơngai nai, Kră Yang 'Bok Kei-Dei pơm 'long sơlam bre sư; mă-lei tơdah pơm yoch hăm Kră Yang, bu mă gơh krao tơgŭm sư? Mă-lei bre sư ưh kơ wă mơ̆ng ôh nơ̆r 'bă lu sư; Thoi noh Kră Yang pơlôch bre sư.

I Sam 30:22

Mă-lei đei lu bơngai kơnê̆ mă kiơ̆ Đawit pơma rơ̆n khan: Yua kơ lu sư ưh kơ năm hơdai hăm lu bơ̆n, lu bơ̆n 'nĕ kơ asong lu sư đêl mŭk tơmam đêl mă lu bơ̆n blah tơgar iŏk, pơdrâu ăn kon akăn kơ lu sư đĕch!