Lu 20:1 - Sơ̆p Hlabơar Nơ̆r 'Bok Kei-Dei

¹ Đơ̆ng 'noh đĭ-đăng lu bơngai Isơrael akŭm băl, đơ̆ng Đan truh tơ Bêrsêba păng đơ̆ng dêh Gileat. Akŭm băl minh jơhngơ̆m đon thoi minh 'nu 'bơ̆t anăp Kră Yang tơ pơlei Mispa.

Lu 20:1 Iomraidhean Croise

II Sam 19:14

Pơtao Đawit pơm lăp đon kơ đĭ-đăng bơngai Juđa, lu sư minh jơhngơ̆m đon wơh bơngai năm wơ̆n pơtao: “Apinh pơtao hăm đĭ-đăng đĭch đam pơtao wih brŏk bĕ.”

II Sam 2:9

Apner pôk Isbôset pơm pơtao tơring Gileat, kon pơlei Asuri, tơring Jêsreel, Êphraim, Bênjamin, păng đĭ char Isơrael.

II Sam 24:2

Pơtao athei Jôap, yŏng pơgơ̆r linh, oei hơdai hăm pơtao: “Athei năm jô̆ bơngai jơ̆p kơ lu adrĕch adrung Isơrael, iŏk đơ̆ng pơlei Đan gah yă-nơ̆m truh tơ Bêrsêba tơ gah gơal, roi ăn kơ inh băt đĭ-đăng kon pơlei lăm lu sơnăm oei gơh pơm linh dôm yơ.”

II Sam 3:10

Kră Yang đei pơkă khan wă iŏk lê̆ tơdrong pơgơ̆r teh đak đơ̆ng pơtao Sôl, ăn kơ Đawit pơm pơtao pơgơ̆r Isơrael păng Juđa, iŏk đơ̆ng pơlei Đan truh tơ Bêrsêba.

I Pot 5:5

Thoi noh na inh wă pơm Hnam Akŭm ăn kơ anăn Kră Yang 'Bok Kei-Dei inh kiơ̆ thoi Kră Yang khan kơ 'bă inh Đawit sơ̆: Inh gô ăn kơ kon drŏ-nglo ih pơm pơtao pơtrơp đơ̆ng ih, sư gô pơm Hnam Akŭm kơ anăn Inh.

II Pot 25:23

Kơplah lu đe yŏng linh anăn lu sư Ismael, kon drŏ-nglo Nêthania, Jôhanan, kon drŏ-nglo 'bok Karêat, Sêraja, kon drŏ-nglo Tanhumet oei tơ pơlei Nêtôpat păng Jaasania kon drŏ-nglo Makathit păng lu linh đe ei kơtơ̆ng pơtao đe Babilôn, jao kơ Gêđalia pơm 'bok tih pơgơ̆r, na lu sư năm tơ Gêđalia tơ Pơlei Mispa.

I Ho 21:2

Đawit khan kơ Jôap păng lu yŏng pơgơ̆r linh sư: Năm jô̆ bĕ đĭ lu bơngai Isơrael, đơ̆ng pơlei Bêrsêba truh tơ char Đan. Brŏk roi kơ inh. Wă kơ inh băt dôm yơ lu sư.

II Ho 30:5

Lu sư tơtă pơkă wă chă roi tơbăt jơ̆p-jang kơ char Isơrael, iŏk đơ̆ng pơlei Bêrsêba truh tơ pơlei Đan, wă kơ kon pơlei năm pơm giĕng Năm Brih 'blŏk hơdơ̆r Kră Yang 'Bok Kei-Dei Isơrael tơ pơlei Jêrusalem; yua kơ lu sư ưh tam mă biơh năm pơm giĕng năm brih wă kơ 'blŏk hơdơ̆r kiơ̆ kơ tơdrong juăt đei pơkă sơ̆.

Esơra 3:1

Truh khei tơpơh, kơplah kon pơlei Isơrael hlôi oei lăm pơlei sư kơdih boih, na kon pơlei akŭm băl minh pôm đon nhen thoi minh 'nu bơngai lăm pơlei Jêrusalem.

Ne 11:27

Lăm pơlei Hasar Sual, pơlei Bêrsêba păng lăm lu pơlei jê̆ sư,

Ne 8:1

Kon pơlei pơgơ̆p akŭm băl jing thoi minh 'nu bơngai, tơ lăm pơlei tih 'bơ̆t anăp 'măng jang Đak lu sư pơma hăm Esơra thây bơtho, apinh sư chĕp sơ̆p hla bơar khôi juăt Môis mă đơ̆ng Kră Yang đei bơtho ăn kơ Isơrael.

Je 40:6

Na Jêrêmi sư năm oei hơdai Gêđalia, kon drŏ-nglo Ahikam, tơ pơlei Mispa, oei hơdai hăm lu kon pơlei mă đe oei lê̆ lăm teh đak noh.

Jo 32:1

Kon sâu Rubên hăm kon sâu Gat đei lơ sem dơrong; 'bôh tơring char Jaser hăm char Gileat jing anih 'lơ̆ng trŏ kơ wei rong rơmo, triu.

Jo 32:40

Thoi noh, Môis ăn tơring char Gileat kơ kon sâu Maki, kon drŏ-nglo Manase, lu sư oei tơ noh.

Jôsuê 15:38

Đilin, Mispa, Jôkthêel,

Jôsuê 17:1

'Nâu teh asong ăn kơ adrĕch Manase, sư jing kon kơdră Jôsep, teh kơ Makir, kon kơdră Manase păng Makir 'bă kơ Gileat, yua kơ lu sư jing linh tơblah nuih, noh na sư gơh đei char Gileat păng Basan.

Jôsuê 18:26

Mispa, Kêphira, Mosa,

Jôsuê 22:12

đĭ-đăng khŭl akŭm kon pơlei Isơrael, đei akŭm băl tơ Silô pơđâu wă blah lu adrĕch 'nâu.

Jôsuê 22:9

Thoi noh lu bơngai Rubên, bơngai Gat păng minh puăt kơ adrĕch Manase weh đơ̆ng kon pơlei Isơrael tơ Silô lăm char Kanaan, wih brŏk tơ char Gileat teh jang sa mir 'ba kơdih, mă lu sư đei blah iŏk boih kiơ̆ kơ nơ̆r Kră Yang pơkă ăn kơ Môis.

Jôsuê 4:13

Đei dang puăn-jĭt rơbâu 'nu bơngai hơmet năm tơblah, dơ̆ng 'bơ̆t anăp Kră Yang truh tơ anih glă Jêrikô, wă blah lu bơngai ayăt.

Lu 10:17

Lu kon pơlei Ammôn akŭm băl pơm kơđông tơ dêh Gileat. Kon pơlei Isơrael kư̆m pơpôi băl, pơm kơđông tơ Mispa.

Lu 11:11

Thoi noh Jeptha năm hơdai hăm lu kră char Gileat. Kon pơlei pơk sư pơm yŏng linh păng wei-lăng pơgơ̆r lu sư. Jeptha pơma dơ̆ng dôm nơ̆r sư pơkă pơkăm noh 'bơ̆t anăp Kră Yang tơ pơlei Mispa.

Lu 11:34

Wă Jeptha brŏk tơ hnam sư tơ pơlei Mispa na đei kon adruh sư lĕch năm sơng sư, chĕp hơgơ̆r iĕ tap suang hloi. Năm sơng sư kon adruh 'noh kon pơm sư; 'nguaih kơ kon adruh sư noh sư ưh kơ đei kon drŏ-nglo dah kon drŏ-kăn nai dơ̆ng.

Lu 18:29

Lu sư krao anăn pơlei noh Đan, kiơ̆ anăn 'bok sư, Đan kon drŏ-nglo Isơrael; đe krao pơlei 'noh sơ̆ Lais.

Lu 20:11

Thoi noh lu bơngai Isơrael akŭm băl đĭ-đăng minh jơhngơ̆m đon thoi minh 'nu năm blah pơlei 'noh.

Lu 20:18

Bơngai Isơrael tŏk tơ pơlei Bethel krao khan apinh Kră Yang 'Bok Kei-Dei: Lăm lu nhôn bu wă năm blah bơngai Bênjamin adrol? Kră Yang tơl: Bơngai Juđa tŏk tơblah adrol.

Lu 20:2

Lu yŏng pơgơ̆r kon pơlei đơ̆ng mơjĭt-'bar adrĕch bơngai Isơrael, đĭ-đăng lu sư đei măt tơm lăm năr akŭm tih lu kon pơlei Kră Yang. Đei puăn-hrĕng rơbâu 'nu linh chĕp đao gưm akŭm băl.

Lu 20:26

Đĭ-đăng lu bơngai Isơrael, tŏk năm truh tơ pơlei Bethel, nhơ̆m dơ̆ng 'bơ̆t anăp Kră Yang ơ̆t kơ sŏng sa năr noh dĭng truh kơmăng, păng lu sư pơyơ̆r tơmam soi 'buh, pơyơ̆r tơmam soi apinh mơnat đơ̆ng Kră Yang.

Lu 20:8

Đĭ-đăng kon pơlei hiơ̆r minh jơhngơ̆m iung thoi lĕ kơ minh 'nu bơngai, lu sư khan: Lu nhôn ưh pă wơ̆t brŏk tơ hnam, thoi noh lăm lu nhôn ưh kơ đei bu wă wih brŏk tơ hnam sư kơdih ôh,

Lu 21:5

Na lu kon pơlei Isơrael khan: Lăm lu adrĕch bơngai Isơrael bu mă ưh kơ đei akŭm hơdai bơ̆n 'bơ̆t anăp Kră Yang tơ âu? Lu sư khan thoi noh yua kơ lu bơngai Isơrael đei pơkă pơkăm boih: Bơngai bu mă ưh kơ năm truh akŭm tơ Mispa 'bơ̆t anăp Kră Yang, bơngai 'noh đe gô pơlôch sư!

I Sam 10:17

Samuel krao akŭm đĭ kon pơlei Isơrael năm tơ Kră Yang tơ Mispa,

I Sam 3:20

Đơ̆ng Đan truh tơ Bêrsêba, đĭ-đăng bơngai Isơrael băt ngăl kơ Samuel jing 'bok khan lê̆ adrol tơpăt đơ̆ng Kră Yang ăn.