Lu 2:20 - Sơ̆p Hlabơar Nơ̆r 'Bok Kei-Dei

²⁰ Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

Lu 2:20 Iomraidhean Croise

II Sam 24:1

Kră Yang hil dơ̆ng kơ kon pơlei Isơrael. Kră Yang pơdrŭt pơtao Đawit pơrăm lu sư, Sư khan hăm pơtao Đawit: “Athei năm jô̆ kon pơlei Isơrael păng kon pơlei Juđa.”

Horiso 106:40

Kră Yang hil mĭl dêh kơ kon pơlei pơla Sư. Lăng krưp dêh kơ kon pơlei.

Horiso 78:10

Lu sư ưh kơ wei răk nơ̆r pơgơ̆p hăm Kră Yang 'Bok Kei-Dei, Hơngah ưh kơ chu arih kiơ̆ khôi juăt Sư.

Je 31:32

Nơ̆r pơgơ̆p 'nâu ưh kơ trŏ thoi nơ̆r pơgơ̆p Inh hăm lu 'bok yă lu sư lăm năr mă Inh rôp ti dui tơlĕch lu sư đơ̆ng char Êyiptơ sơ̆, yua kơ lu sư pơrăm lê̆ boih tơdrong pơgơ̆p Inh, mă Inh thoi klo lu sư ră.” Noh Kră Yang khan.

Êsêkiên 20:37

Inh gô wei lu iĕm chu kiơ̆ ala 'long jra Inh păng Inh gô chông ba lu iĕm mơ̆t lăm tơdrong pơgơ̆p.

Jo 32:13

Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Both 32:22

Inh hil thoi ŭnh sa khơ̆ng blông blông. Sa hloi tôch tơ kơđĕl hơnă pơlei lôch, ŭnh sa đĭ teh păng plei sa, sa kông pơđĭ truh tơ hơnă.

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Lu 10:7

Kră Yang hil mĭl kơ lu bơngai Isơrael; na Kră Yang jao lu sư kơ lu bơngai Philistin păng lu bơngai Ammôn pơgơ̆r lu sư.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 2:19

Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.

Lu 3:8

Yua kơ thoi noh, Kră Yang hil blĕk kơ lu bơngai Isơrael, Kră Yang pơjao lu sư lăm ti Kusan Risathaim, pơtao teh đak Mesôpôtami. Kusan Risathaim pơgŏ pơđep kon pơlei Isơrael lăm tơhngam sơnăm.