Lu 2:19 - Sơ̆p Hlabơar Nơ̆r 'Bok Kei-Dei

¹⁹ Mă-lei đơ̆ng rŏng kơ 'bok sek tơlang noh lôch na lu bơngai Isơrael pơm kơnê̆ hloh dơ̆ng kơ adrol, lui kiơ̆ kơkuh kơ lu yang nai; lu bơngai Isơrael ưh kơ chu hŭt lê̆ tơdrong kơnê̆, oei rok kiơ̆ trong kơnê̆ khŏm khŏm.

Lu 2:19 Iomraidhean Croise

Bl 6:11

Hơtai ei sơ̆ Kră Yang 'Bok Kei-Dei 'bôh đĭ kon bơngai lăm teh đak tă kơ yoch răm ngăl păng 'bĕnh kơ tơdrong kơnê̆.

Ne 9:28

Mă-lei tơdah lu sư hiôk-hian, wơ̆t pơm tơdrong kơnê̆ dơ̆ng 'bơ̆t anăp Ih; yua kơ thoi noh Ih achăng lê̆ jao lu sư lăm tơpang ti lu đe ayăt wei-lăng pơgơ̆r lu sư. Mă-lei lu sư ôr krao Ih dơ̆ng, na Ih đơ̆ng kơpal plĕnh mơ̆ng lu sư, kiơ̆ thoi Ih 'mêm, đơ̆ng noh dŏng pơklaih lu sư đei lơ 'măng, kiơ̆ thoi tơdrong 'mêm Ih tih dêh.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Je 16:12

Gah lu iĕm kư̆m yoch kơnê̆ hloh kơ lu yă 'bok lu iĕm sơ̆, yua kơ rim 'nu lu iĕm yak kiơ̆ trong jơhngơ̆m kơnê̆ păng arăng kơ̆l lu iĕm, ưh pă wă mơ̆ng nơ̆r Inh.

Je 23:17

Lu sư hrăn pơma roi kơ lu bơngai areh kơ Inh: ‘Kră Yang khan: Lu iĕm gô đei hiôk-hian.’ Lu sư pơma roi kơ đĭ lu bơngai arăng kơ̆l kiơ̆ thoi lu sư wă kơdih. ‘Ưh kơ đei tơdrong răm kiơ truh kơ iĕm ôh.’

Je 3:17

Kơplah lăm năr noh đe gô krao pơlei Jêrusalem jơ̆ tăng dŏ pơtao Kră Yang păng rim kơ adrĕch adrung gô akŭm tơ pơlei Jêrusalem, lăm anăn Kră Yang. Ưh pă đei bu arăng kơ̆l kiơ̆ kơ jơhngơ̆m kơnê̆ lu sư dơ̆ng.

Êsêkiên 20:30

Thoi noh, khan bĕ kơ adrĕch Isơrael: Kră Yang khan: Lu iĕm pơm kiơ̆ trong 'bok yă lu iĕm, lu iĕm pơm pơyô kư̆ kă kiơ̆ lu rup yang kơnê̆ krưp noh hă?

Mathiơ 23:32

Iĕm wă pơm thoi lu sư noh pơm bĕ.

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Jôsuê 24:31

Lu kon pơlei Isơrael chu yom kơ Kră Yang đĭ lăm chăl arih Jôsuê păng đĭ lăm chăl lu kră arih sot hloh kơ Jôsuê, lu bơngai mă đei 'bôh păng băt tôm tơdrong Kră Yang đei pơm boih lăm lu kon pơlei Isơrael.

Lu 10:13

Mă-lei lu iĕm oei achăng lê̆ Inh, kơkuh kơ lu yang nai yua kơ noh na Inh ưh pă wă dŏng pơklaih lu iĕm dơ̆ng.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,

Lu 2:7

Kon pơlei pơla chu yom kơ Kră Yang ling-lang truh tơ Jôsuê păng bơngai đe kră arih đunh hloh kơ Jôsuê lôch, noh lu bơngai mă 'bôh tơdrong jang mơsêh tih dêh mă đêl Kră Yang pơm boih yua kơ lu bơngai Isơrael.

Lu 4:1

Đơ̆ng rŏng kơ Êhut lôch boih, na kon pơlei Isơrael pơm kơnê̆ dơ̆ng 'bơ̆t anăp Kră Yang.

Lu 8:33

Lăp đơ̆ng rŏng kơ Giđêôn lôch, lu bơngai Isơrael wơ̆t pơm kơnê̆ dơ̆ng kơkuh kơ yang Baal; lu sư kơkuh kơ yang Baal Bêrit pơm yang lu sư.

I Sam 15:23

Hơngah ưh kơ pơm kiơ̆ noh kư̆m yoch thoi bơngai pơjâu hơlĕnh; Pơang kư̆m yoch thoi kơkuh kơ rup yang. Yua kơ đơ̆ng ih achăng lê̆ nơ̆r Kră Yang, na sư kư̆m achăng lê̆ ih ưh kơ ăn kơ ih pơm pơtao.