Lu 2:16 - Sơ̆p Hlabơar Nơ̆r 'Bok Kei-Dei

¹⁶ Na Kră Yang rơih hơtŏk lu 'bok sek tơlang dŏng pơklaih lu sư đơ̆ng bơngai ayăt.

Lu 2:16 Iomraidhean Croise

II Sam 7:11

Kơplah Inh pôk pơjing bơngai sek tơlang pơgơ̆r bơngai Isơrael Inh, Inh gô ăn kơ ih huay pă hli oei hiôk-hian ưh pă đei ayăt chă pơrăm ih dơ̆ng păng Kră Yang pơkă khan Sư gô tơiung pơdơ̆ng kơ ih minh pôm hnam.

Ne 9:27

Yua kơ thoi noh Ih jao boih lu sư lăm tơpang ti đe ayăt kơ lu sư; lu đe pơmat pơm kơnê̆ kơ lu sư, lăm lu sư đei tơdrong pơmat-tat lu sư ôr krao chă Ih păng Ih đơ̆ng kơpal plĕnh mơ̆ng lu sư; jơhngơ̆m 'mêm Ih tih dêh, Ih yua lu bơngai nuih pran kơtang dŏng pơklaih đơ̆ng lu bơngai ayăt kơ lu sư.

Lu 10:1

Đơ̆ng rŏng kơ Abimêlek lôch, Tôla kon drŏ-nglo Pua sâu Đôđô, sư bơngai Isakar, iung dŏng pơklaih lu bơngai Isơrael. Sư oei tơ pơlei Samir lăm kông Êphraim.

Lu 11:32

Đang kơ 'noh Jeptha năm truh tơ kon pơlei Ammôn tơblah hăm lu sư; Kră Yang pơjao lu kon pơlei Ammôn lăm tơpang ti sư.

Lu 3:15

Mă-lei mưh kon pơlei Isơrael krao ôr apinh Kră Yang, Kră Yang rơih ăn kơ lu sư minh 'nu 'bok dŏng pơklaih, anăn sư Êhut, kon drŏ-nglo Gêra, sư adrĕch Bênjamin. 'Noh bơngai juăt kơ yua ti gah 'ngiĕo. Kon pơlei Isơrael wơh sư chĕp ba tơmam ra ăn kơ Eglôn, pơtao Môap.

Lu 3:31

Đơ̆ng rŏng kơ Êhut đei Samgar, kon drŏ-nglo Anat, sư yua minh tŏ 'long sơnguĕt suĕng đe puh rơmo na teh pơlôch tơdrâu-hrĕng 'nu bơngai Philistin na sư dŏng pơklaih lu bơngai Isơrael.

Lu 4:5

Sư juăt kơ oei ngôi ala tơnơm 'long gol tơ kơpal groi kông Êphraim sơlam pơlei Rama păng Bethel, na lu kon pơlei Isơrael tŏk năm truh tơ sư, wă kơ sư sek tơlang ăn.

Lu 6:14

Kră Yang wih lăng tơ sư păng khan: Năm bĕ yua hăm jơhngơ̆m pran kơtang ih đei boih năm dŏng pơklaih lu bơngai Isơrael đơ̆ng ti kon pơlei Miđian. Hăm trŏ Inh oei wơh ih năm dah ưh?

Ru 1:1

Lăm chăl lu kră sek tơlang pơgơ̆r đei pơngot rơwĕt tih lăm dêh char Juđê, đei minh 'nu bơngai đơ̆ng pơlei Betlehem dêh Juđê, sư chông ba akăn păng 'bar 'nu kon năm truh tơ dêh Môap na lu sư oei tơ noh.

I Sam 12:11

Kră Yang wơh hĭ Jêrup Baal, Barak, Jeptha păng Samuel; lu sư dŏng pơklaih lu iĕm đơ̆ng ti lu ayăt tăp dăr kơ lu iĕm, ăn kơ lu iĕm oei arih hiôk-hian.

I Sam 14:48

Sư nuih kơtang tơblah bơngai Amalek păng dŏng pơklaih Isơrael đơ̆ng ti bơngai chă blah tơgar iŏk.