Lu 2:15 - Sơ̆p Hlabơar Nơ̆r 'Bok Kei-Dei

¹⁵ Mă lu sư năm tơ yơ yơ Kră Yang kư̆m ăn kơ lu sư đei tơdrong gleh pơmat 'blep thoi Kră Yang khan pơkă kơ lu sư. Lu sư đei tơdrong gleh pơmat tih dêh.

Lu 2:15 Iomraidhean Croise

II Ho 12:1

Wă Rêhôbôam pơgơ̆r dêh char sư pran kơjăp boih, na sư păng lu bơngai Isơrael kiơ̆ Sư achăng lê̆ ưh pă kiơ̆ khôi juăt Kră Yang.

Je 18:8

Mă-lei tơdah adrĕch adrung mă Inh roi noh achăng lê̆ tơdrong yoch lu sư kơdih, lei Inh gô tơplih đon Inh mă wă pơrăm lu sư noh.

Je 21:10

Inh wă pơrăm pơlei âu, ưh kơ wă ăn pŭn hiôk kơ lu sư ôh. Kră Yang khan. Inh gô jao pơlei âu lăm ti pơtao Babilôn; sư gô soh pơrăm pơlei âu hăm ŭnh.

Je 44:11

Thoi noh 'nâu Kră Yang Tih Hloh 'Bok Kei-Dei Isơrael, khan: “'Nâu Inh gô ăn tơdrong răm truh păng pơlôch pơrăm đĭ lu iĕm bơngai Juđa.

Je 44:27

'Nâu, dang ei Inh răp lăng, wă ăn tơdrong pơmat truh tơ lu sư, ưh kơ trŏ ăn tơdrong pŭn hiôk ôh; đĭ lu bơngai Juđa mă oei lăm dêh char Êyiptơ gô lôch kơ đao gưm pơngot rơwĕt.

Mi 2:3

Thoi noh na, Kră Yang khan thoi âu: “'Nâu Inh gô pơm tơwih kơ lu adrĕch adrung âu. Minh tơdrong truh pơmat-tat mă lu iĕm kư̆m ưh kơ gơh klaih ôh, lu iĕm ưh pă gơh yak ngơk kơ̆l chhôk hal, yua kơ 'noh jơ̆ năr pơmat-tat.

II Kor 4:8

Đĭ dôm tơdrong đe wă kơtĭt pơglơ̆k nhôn, mă-lei nhôn pơm huay huăi kơ glơ̆k; đĭ sơleng kơ đon boih, mă-lei nhôn khŏm adrin adrăi.

Both 18:20

Tơdah đei bơngai khan lê̆ adrol đei jơhngơ̆m pơang yua anăn Inh pơma dôm tơdrong kiơ mă Inh ưh kơ athei sư pơma, dah yua anăn lu yang nai, na lu bơngai thoi noh trŏ kơ pơlôch.

Lu 10:9

Kon pơlei Ammôn kư̆m tŏk kơ đak Krong Jôrđăn, năm blah lu bơngai Juđa, lu bơngai Bênjamin păng lu bơngai Êphraim; lu bơngai Isơrael đei tơdrong pơmat-tat tih tơpă.

Ru 1:13

na măr iĕm wă kĕ gŏk gô truh bre sư 'lŏ tơ̆l? Măr iĕm wă ưh kơ chă klo nai hloi hă? Ưh ôh, ơ bre mŏ adruh, tơdrong chhŭr nuih ơh sơ'ngon inh hloh kơ măr iĕm, yua kơ Kră Yang yơ̆r ti Sư pơrăm inh.

I Sam 12:15

Mă-lei tơdah lu iĕm ưh kơ chu kiơ̆ dôm nơ̆r Kră Yang, ưh kơ chu nơ̆r sư tơtă athei, na ti Kră Yang gô ăn kơ tơdrong răm rai kơ lu iĕm kư̆m thoi sư ăn kơ yă 'bok iĕm sơ̆.

I Sam 13:6

Đe Isơrael mơn 'bôh lu sư hli hơmơt dêh. Yua kơ lu bơngai ayăt tŭn gơhret rai jê̆ bơih. Na lu đe Isơrael kơdâu ôn tơ lăm hơgơp tơmo, lăm bri kơdrơ̆ng lăm sơlŭng păng lăm trôm teh.

I Sam 14:24

Kŭm lăm năr 'noh, bơngai Isơrael lap pă kĕ boih yua kơ Sôl athei 'blŏk nơ̆r đei pơkă pơkăm: Trŏ kơ hiap pơtê̆ bơngai ayơ mă sa tơmam kiơ adrol kơ 'năr kơsơ̆ huơ huĭnh wă măng, đang adrol kơ inh blah lu bơngai ayăt kơ inh! Yua kơ noh, na đĭ-đăng kon pơlei kơ̆m kơ pơ̆n sa tơmam kiơ hloi.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.