Lu 2:11 - Sơ̆p Hlabơar Nơ̆r 'Bok Kei-Dei

¹¹ Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 2:11 Iomraidhean Croise

Bl 13:13

Kon pơlei Sôđôm kơnê̆ păng lu mơ'nah pơm yoch tih dêh hăm Kră Yang.

Bl 38:7

Mă-lei Er pơm kơnê̆ dêh 'bơ̆t anăp Kră Yang Kră Yang 'Bok Kei-Dei, na Kră Yang 'Bok Kei-Dei pơlôch hĭ sư.

I Pot 11:5

Yua kơ Sôlômôn kơkuh kơ Astoret yang drŏ-kăn yang lu bơngai Siđôn păng chu kiơ̆ kơ Milkôm yang lu bơngai Ammôn yang kơnê̆ dêh.

I Pot 18:18

Êli tơl: “Inh ưh kơ pơrŭng ôh lu bơngai Isơrael, ih păng hnam 'bă ih pơrŭng lu bơngai Isơrael, yua kơ lu iĕm hŭt lê̆ tơdrong Kră Yang tơtă na lui kiơ̆ yang Baal.

I Pot 22:53

Sư pơm lơ tơdrong yoch kơnê̆ 'bơ̆t anăp Kră Yang, kiơ̆ trong 'bă sư păng mĕ sư păng kiơ̆ trong Jêrôbôam kon drŏ-nglo Nêbat, bơngai mă pơhlŭ lu bơngai Isơrael pơm yoch.

II Ho 28:2

Sư kiơ̆ lu pơtao Isơrael, na kư̆m pơm tuh man rup yang Baal.

II Ho 28:3

Sư soh pơyơ̆r tơmam 'bâu phu lăm Thŭng Ben Hinôm păng 'buh pơyơ̆r lu kon drŏ-nglo sư kơdih lăm ŭnh pơm tơmam soi, kiơ̆ kơ tơdrong kơnê̆ krưp dêh tơpă lu kon pơlei mă Kră Yang puh tơweh lê̆ lu sư đơ̆ng anăp lu bơngai Isơrael.

II Ho 33:6

Sư 'buh pơyơ̆r kon drŏ-nglo sư pơm tơmam soi tơ lăm Thŭng Ben Hinôm sư chă tơdrong apo, lăng ti wă kơ băt adrol, chă lu pơjâu tơwir, kiơ̆ lu bơngai krao pơma dơnuh hăm atâu. Sư pơm yoch kơnê̆ rai dêh 'bơ̆t anăp Kră Yang pơm tơblĕk Sư.

Esơra 8:12

Gah kon sâu Agat đei Jôhanan, kon drŏ-nglo Hakatan păng đĭ-đăng đei minh-hrĕng mơjĭt 'nu drŏ-nglo;

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Horiso 78:56

Mă-lei, lu sư pơlong lăng pơjăng pơjah hăm Kră Yang 'Bok Kei-Dei Tih Hloh, Ưh kơ chu kiơ̆ tơdrong juăt Kră Yang;

Je 11:10

Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.

Je 16:11

Ih athei khan kơ lu sư: ‘Kră Yang khan. Yua kơ yă 'bok lu iĕm achăng lê̆ Inh boih, na kiơ̆ lu yang nai, jang ăn păng drap kơkuh kơ lu yang noh. Lu sư achăng lê̆ Inh ưh pă wei răk dôm khôi juăt Inh.

Je 2:20

“Sơ̆ đunh boih iĕm gơ̆ lê̆ 'long ăt păng hrĕch lê̆ tơlei đơ̆ng chô̆ iĕm, Iĕm khan: ‘Nhôn ưh kơ wă chu kiơ̆ Ih.’ Tơpă, tơ rim groi kơjung, tơ ala tơm 'long iĕm drap kơkuh kơ rup yang thoi ngôi pơyô kư̆ kă.

Je 2:23

“Liơ ih gơh khan: ‘Nhôn ưh kơ đei 'mê̆-'mach. Inh ưh kơlah kiơ̆ yang Baal ôh?’ Lăng lăng bĕ trong gơlong iĕm pơm lăm thŭng; ăn kơ iĕm băt iĕm đei pơm kiơ boih, iĕm thoi lăk-đa thông đai kư̆ kă tơ âu tơ to,

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 9:14

Mă-lei lu sư yak kiơ̆ jơhngơ̆m arăng lu sư kơdih, na kiơ̆ lu yang Baal, kiơ̆ thoi 'bok yă lu sư bơtho ăn boih kơ lu sư.”

Jo 25:3

Isơrael pơm yang kơkuh kơ yang Baal Pêôr, đei Kră Yang hil mĭl kơ lu bơngai Isơrael,

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 4:25

Mưh lu iĕm đei kon sâu păng oei tơ dêh noh đunh boih, tơdah lu iĕm pơm yoch kơnê̆ pơrăm akâu kơdih thoi pơm kơ rup yang dah rup sem brem kiơ, mă pơm tơdrong kơnê̆ kiơ 'bơ̆t anăp Kră Yang 'Bok Kei-Dei lu iĕm wă pơm kơ Sư blĕk.

Lu 10:10

'Nâu lu bơngai Isơrael krao apinh Kră Yang, na khan: Lu nhôn đei pơm yoch hăm Ih lu nhôn achăng lê̆ Kră Yang 'Bok Kei-Dei lu nhôn păng kơkuh kơ lu yang Baal.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 13:1

Kon pơlei Isơrael pơm kơnê̆ 'bơ̆t anăp Kră Yang dơ̆ng; yua kơ thoi noh na Kră Yang pơjao lu sư lăm tơpang ti lu bơngai Philistin lăm puăn-jĭt sơnăm.

Lu 3:12

Kon pơlei Isơrael pơm kơnê̆ dơ̆ng 'bơ̆t anăp Kră Yang, na Kră Yang ăn kơ Eglôn, pơtao Môap jing pran năm wang blah Isơrael yua kơ lu sư pơm yoch kơnê̆ 'bơ̆t anăp Kră Yang.

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.

Lu 4:1

Đơ̆ng rŏng kơ Êhut lôch boih, na kon pơlei Isơrael pơm kơnê̆ dơ̆ng 'bơ̆t anăp Kră Yang.

Lu 6:1

Lu bơngai Isơrael pơm tơdrong kơnê̆ dơ̆ng 'bơ̆t anăp Kră Yang; na Kră Yang jao lu sư lăm ti kon pơlei Miđian lăm tơpơh sơnăm.

Lu 6:25

Kŭm lăm măng noh, Kră Yang khan kơ Giđêôn: Rôp iŏk bĕ kon rơmo dăm 'bă ih păng rôp minh pôm kon rơmo dăm mă 'bar đei tơpơh sơnăm; na pơrăm lê̆ bĕ chơnang soi kơkuh kơ yang Baal. Păng kăl kơ tơpăk lê̆ bĕ gơ̆ng rup yang Asêra 'bơ̆t cheng chơnang soi noh.

Lu 8:33

Lăp đơ̆ng rŏng kơ Giđêôn lôch, lu bơngai Isơrael wơ̆t pơm kơnê̆ dơ̆ng kơkuh kơ yang Baal; lu sư kơkuh kơ yang Baal Bêrit pơm yang lu sư.

I Sam 12:10

Lu sư ôr krao apinh Kră Yang: Lu nhôn đei pơm yoch, yua kơ lu nhôn achăng lê̆ Kră Yang, na kơkuh kơ yang Baal păng yang Astarôt; dang ei, apinh Ih dŏng pơklaih nhôn đơ̆ng ti bơngai ayăt hăm nhôn, na lu nhôn gô chu kiơ̆ kơ Ih.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.

I Sam 7:4

Na bơngai Isơrael klơ̆m hŭt lu yang Baal păng rup yang Astarôt, kơkuh kơ minh 'nu Kră Yang đĕch.