Lu 19:6 - Sơ̆p Hlabơar Nơ̆r 'Bok Kei-Dei

⁶ Thoi noh klo kăn bre sư hơ-oei sŏng sa hơdai, na 'bă bơngai drŏ-kăn noh khan dơ̆ng: Ơ dăm, apinh ih oei tơ âu pă minh măng âu dơ̆ng wă kơ jơhngơ̆m ih hiôk chơt.

Lu 19:6 Iomraidhean Croise

II Sam 13:28

Apsalôm pơkă kơ lu đĭch đam sư: “Athei kơchăng lăng kơplah Amnôn hiôk chơt wă suai kơ tơdrô, inh athei lu iĕm: Teh Amnôn, lu iĕm athei pơlôch sư hloi, ưh kơ hli kơ kiơ, noh đơ̆ng inh athei lu iĕm. Athei đei jơhngơ̆m đon mă nuih hŏ.”

I Pot 21:7

Jêsebel akăn sư khan kơ sư: “Dang ei hăm trŏ kơ ih pơgơ̆r lu bơngai Isơrael ưh? Jah iung păng sŏng bĕ, chơt hiôk bĕ, Inh gô ăn kơ ih mir hơmu Nabôt, bơngai Jêsreel.”

Esther 1:10

Truh lăm năr mă tơpơh jơhngơ̆m pơtao hiôk dêh đơ̆ng huch tơdrô na sư pơkă kơ Mêhuman, Bistha, Harbôna, Biktha, Abaktha, Sethar păng Karkas. Tơpơh 'nu linh krĕo bơ̆jang lăm hnam pơtao Asêrus,

Horiso 104:15

Sik hơmu tơmam pơhiôk jơhngơ̆m kon bơngai. Đak rơmă ôliwơ pơm ăn kơ muh măt hơdah hơdong, Por sŏng wă ăn kơ jơhngơ̆m kon bơngai pran.

Luka 12:19

Lăp inh pơm đang boih, inh wă khan kơ inh kơdih thoi âu: Inh đei mŭk drăm lơ wă 'măn lê̆ kơ đunh sơnăm. Inh pơdơh bĕ, sŏng sa nhă đak phĭ mah rơkah rơkai, hiôk boih inh.’

I Tes 5:3

Năr ei kơnh lu bơngai ưh kơ lui sư khan: “Ô hiôk tơpă dêh iih, ưh kơ đei tơdrong kiơ truh tơ lu bơ̆n.” Mă-lei năr noh hloi boih lu sư đei tơdrong răm hloi, kư̆m thoi bơngai drŏ-kăn sư wă jê̆ tơpŭ sư ưh kơ băt layơ sư wă jĭ anăp sư. Lu bơngai noh ưh kơ gơh jăk ôn akâu sư tơ yơ ôh.

Tơdrông Tơ'bôh 11:10

Đĭ-đăng bơngai ưh kơ lăp đon kơ bre sư, khan bre sư pơjĭ jơhngơ̆m đon đe. Na lăp đe 'bôh bre sư lôch boih, đĭ rim măt bơngai 'nă hal ngôi pơchơt dih băl, pơm chă tơăn băl tơmam.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Lu 16:25

Wă jơhngơ̆m lu sư hiôk chơt, lu sư ôr re khan: Hơtŏk Samsơn tơ âu bĕ, wă kơ sư pơpơm pơchơt kơ lu bơ̆n. Lu sư dui Samsơn lĕch đơ̆ng lăm hnam bơnă, na Samsơn pơpơm pơchơt 'bơ̆t anăp kon pơlei pơla. Lu sư ăn kơ Samsơn dơ̆ng 'bơ̆t tŏk-bŏk lu jrăng hnam đe akŭm.

Lu 19:7

Bơngai Lêwi iung wă năm ră, mă-lei bơ̆n kră sư pơlung, apinh sư jing sư wơ̆t 'bĭch lăm măng 'noh dơ̆ng.

Lu 19:9

Lăp bơngai Lêwi, hăm akăn kơnhŏng păng đĭch đam sư wă iung yak, wă tơklah đơ̆ng bơ̆n kră sư, tơnei sư khan dơ̆ng: “Bre kon lăng 'năr kơsơ̆ wă măng boih, inh wă kơ măr iĕm oei 'bĭch ngôi tơ âu pă minh măng âu dơ̆ng. Yua kơ 'năr kơsơ̆ măng boih wă jơhngơ̆m măr iĕm hiôk chơt; pơgê dơning măr iĕm iung dơ̆ng hrôih drôih brŏk.”

Lu 9:27

Na lu sư năm tơ mir phĕ plei 'long hơmu chơpĕt iŏk đak hơmu wă et sa. Lu sư mơ̆t lăm hnam yang lu sư, et sa tih na pơma kơnê̆ pơjăm Abimêlek.

Ru 3:7

Đang kơ sŏng sa boih 'Bôô jơhngơ̆m sư hiôk dêh, sư năm 'bĭch tep tơ cheng pôi 'ba, Rut năm chơlon hơdar hơdar pơih khăn 'bơ̆t jơ̆ng sư na 'bĭch hloi.

I Sam 25:36

Wă Abigail brŏk truh tơ Nabal, na 'bôh Nabal oei et sa tih lăm hnam sư, et sa tih nhen thoi pơtao mơ̆n. Nabal đei jơhngơ̆m hiôk chơt păng suai dêh. Abigail ưh kơ đei roi ăn kơ sư băt dôm tơdrong kiơ tih dah iĕ, gô truh kơ pơgê.