Lu 18:30 - Sơ̆p Hlabơar Nơ̆r 'Bok Kei-Dei

³⁰ Tơ noh bơngai Đan lu sư chă tơiung ming rup Yang păng iŏk Jônathan kon drŏ-nglo Gersôm sâu Môis lu kon sâu sư pơtrơp pơm 'bok soi kơ adrĕch Đan truh tơ năr đe blah iŏk dêh noh.

Lu 18:30 Iomraidhean Croise

II Pot 15:29

Lăm chăl Pêka, pơm pơtao đe Isơrael, Tiglat Pileser, pơtao đe Asiri năm tơgar iŏk pơlei Ijôn, Abel Bêt Maaka, Janôa, Kêđes, Hasor, tơring Gileat tơring Galilê păng tơring Naptali hai dơ̆ng. Thoi noh, sư anhăk ba kon pơlei lu dêh ei tŏk tơ dêh char Asiri pơm bơnă.

II Pot 17:18

Yua kơ thoi noh Kră Yang hil mĭl dêh kơ lu bơngai Isơrael, puh tơweh lu sư đơ̆ng anăp Kră Yang ưh pă đei bu dơ̆ng oei pă khŭl Juđa đĕch bơih.

II Pot 17:20

Lei na Kră Yang achăng lê̆ đĭ adrĕch Isơrael, pơm kơ lu sư pơmat-tat păng jao lu sư tơ lăm ti lu bơngai iŏk tơgar, dĭng đe chông phak lu sư ataih đơ̆ng muh măt Kră Yang.

II Pot 17:22

Đĭ-đăng lu bơngai Isơrael pơm kiơ̆ dôm tơdrong yoch mă Jêrôbôam hlôi pơm, lu sư ưh kơ weh đơ̆ng tơdrong yoch noh ôh,

II Pot 17:23

dĭng mah Kră Yang puh tơweh lê̆ lu sư đơ̆ng anăp Kră Yang thoi Sư hlôi yua 'bơ̆r lu đĭch đam Sư bơngai khan lê̆ adrol đei khan lê̆ bơih. Thoi noh na lu đe Isơrael, Kră Yang puh tơweh lu sư đơ̆ng dêh sư kơdih, phak lu sư tơ dêh Asiri dĭng truh tơ dang ei.

Le 18:3

Hăm 'bar 'nu kon drŏ-nglo sư, minh 'nu anăn sư Gersôm,a yua kơ Môis khan boih inh chă năm oei pơdơh tơ char lu tơmoi,

Le 2:22

Sêpôra tơpŭ kơ minh 'nu kon drŏ-nglo Môis krao anăn sư Gersôm,b yua kơ đei pơma khan: Inh oei tơ lăm char tơmoi.

Le 20:4

Iĕm 'nĕ kơ pơm lu rup man kơdih, kư̆m 'nĕ pơm rup ayơ nhen thoi tơmam tơ kơpal plĕnh ti, dah tơ ala teh âu, dah tơ lăm ala đak sŭng.

Lêwi 26:1

Lu iĕm 'nĕ kơ man rup yang, dah traih pơm păng 'long dah pơm hăm tơmo, 'nĕ kơ pơdơ̆ng minh pôm tơmo ayơ lăm tơring iĕm đei rup na drap kơkuh 'bơ̆t anăp rup noh, yua kơ Inh boih Kră Yang 'Bok Kei-Dei lu iĕm.

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 31:29

Inh băt gô răm-'băm tơpă, achăng lê̆ trong mă đơ̆ng inh bơtho khan, ning-mônh lu iĕm gô tơblĕk Kră Yang pơm tơdrong kơnê̆ 'mê̆, mă Kră Yang, ưh kơ lăp đon păng tơdrong răm pơmat-tat gô truh kơ lu iĕm.

Lu 13:1

Kon pơlei Isơrael pơm kơnê̆ 'bơ̆t anăp Kră Yang dơ̆ng; yua kơ thoi noh na Kră Yang pơjao lu sư lăm tơpang ti lu bơngai Philistin lăm puăn-jĭt sơnăm.

Lu 17:3

Wă Mika pơdrâu kơ mĕ sư minh-rơbâu minh-hrĕng tơpei hu 'noh; mĕ sư khan: Hu 'nâu mĕ pơkă wă 'măn pha pơyơ̆r kơ Kră Yang hăm anăn kon man rup Yang păng tuh rup yang. Thoi noh mĕ pơdrâu ăn kơ kon hu 'noh dang ei.

Lu 17:5

Mika kư̆m pơm hnam kơkuh kơ yang; sư pơm minh blah ao êphot păng dôm tŏ yang; sư pơk ăn kơ kon drŏ-nglo sư pơm 'bok soi.