Lu 18:25 - Sơ̆p Hlabơar Nơ̆r 'Bok Kei-Dei

²⁵ Bơngai Đan tơl Mika: 'Nĕ pă ăn nhôn kơtơ̆ng nơ̆r ih dơ̆ng, hli kơ đei bơngai blĕk ơh blah iŏk rôp ih pơlôch tơhiong tơdrong arih ih, hăm tơdrong arih hnam dơnŏ ih.

Lu 18:25 Iomraidhean Croise

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

Jop 27:2

Kră Yang 'Bok Kei-Dei arih pơm kơdranh kơ inh, Sư ưh kơ wă sek ăn kơ inh tơpăt Kră Yang Tih Hloh, pơm kơ chăl arih inh chhŭr nuih.

Jop 3:5

Rŏ kơ măng mu păng hơmơ̆l tơdrong lôch iŏk lê̆ năr noh; rŏ kơ hơmơ̆l gom lê̆ sư, rŏ kơ măng mu kơ'năr pơm kơ sư hli.

Lu 18:24

Mika tơl: Lu iĕm tơtông iŏk ba đĭ rup yang inh pơm păng chông anhăk hloi 'bok soi inh? Liơ mă iĕm oei apinh khan, Ih đei tơdrong kiơ?

Lu 18:26

Lu bơngai Đan kư̆ kơ yak năm tơ anăp; Mika 'bôh lu sư pran hloh, na sư wih tơ rŏng wơ̆t brŏk tơ hnam.

I Sam 30:6

Đawit đei tơdrong hli krưp tih dêh yua kơ lu bơngai kiơ̆ sư wă klơ̆m sư păng tơmo. Đĭ-đăng kơ lu linh kiơ̆ sư đei jơhngơ̆m ơh sơ'ngon dêh, yua kơ hiong kon drŏ-nglo kon drŏ-kăn lu sư, mă-lei Đawit đei jơhngơ̆m nuih pran đơ̆ng Kră Yang 'Bok Kei-Dei ăn kơ sư.