Lu 17:4 - Sơ̆p Hlabơar Nơ̆r 'Bok Kei-Dei

⁴ Mika pơdrâu hu noh kơ mĕ sư; mĕ sư iŏk hloi 'bar-hrĕng hlak hu ăn kơ bơngai hling pơm rup yang na sư hling hloi rup yang; đe 'măn lê̆ lăm hnam Mika.

Lu 17:4 Iomraidhean Croise

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Êsai 44:13

Bơngai thơ̆ 'long iŏk tơlei sư dăng pơtŏ, iŏk chŭr sư rek rup hơbŏ traih hơmet hăm săng pơiel, pơtŏ hăm 'long thưk đei mum pơm rup hơbŏ, sư pơm rup bơngai rup hơbŏ thoi bơngai 'lơ̆ng. Na tah lê̆ tơ lăm hnam yang sư.

Habakuk 2:18

Rup hling man mă thơ̆ đei hling pơm, hăm đei lơi kiơ kơ sư? Man rup pơm yang, noh thoi 'bok thây bơtho hơlĕnh, đei yua kiơ? Mă lu thơ̆ man rup yang ưh kơ gơh pơma na kư̆m lui gơnang gơnăi đơ̆ng tơpang bơ̆n pơm kơdih?

Both 27:15

Hiap pơtê̆ bĕ kơ bơngai bu pơm rup yang, man dah hling, tơmam mă Kră Yang areh krưp dêh, tơdrong jang đơ̆ng tơpang ti kon bơngai, pơdơ̆ng kơkuh sư noh tơ anih hlơp! Đĭ-đăng kon pơlei gô khan: A-men!

Lu 17:3

Wă Mika pơdrâu kơ mĕ sư minh-rơbâu minh-hrĕng tơpei hu 'noh; mĕ sư khan: Hu 'nâu mĕ pơkă wă 'măn pha pơyơ̆r kơ Kră Yang hăm anăn kon man rup Yang păng tuh rup yang. Thoi noh mĕ pơdrâu ăn kơ kon hu 'noh dang ei.

Lu 17:5

Mika kư̆m pơm hnam kơkuh kơ yang; sư pơm minh blah ao êphot păng dôm tŏ yang; sư pơk ăn kơ kon drŏ-nglo sư pơm 'bok soi.

Lu 18:17

Lu pơđăm 'nu mă đêl năm chop lăng dêh 'noh lu sư mơ̆t lăm hnam tơtông iŏk rup man, ao êphot, lu rup yang nai păng rup yang đe hling đe tuh; kơplah noh 'bok soi oei dơ̆ng 'bơ̆t 'măng hơdai hăm lu tơdrâu-hrĕng 'nu chĕp tơmam tơblah khêl đao.