Lu 17:12 - Sơ̆p Hlabơar Nơ̆r 'Bok Kei-Dei

¹² Na Mika pơk ăn kơ bơngai Lêwi noh pơm 'bok soi sư păng sư oei hloi lăm hnam Mika.

Lu 17:12 Iomraidhean Croise

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

Jo 16:5

khan kơ Kôrê păng đĭ-đăng lu bơngai pôm đon hăm sư thoi âu: Pơgê dơning Kră Yang gô tơ'bôh ăn bơngai bu gah Sư mă 'lơ̆ng rơgoh; Sư gô ăn kơ lu bơngai noh gô năm jê̆ Sư, wă khan ăn kơ bơngai mă Sư đei rơih iŏk boih năm jê̆ Sư.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Lu 17:11

Na bơngai Lêwi sư lăp đon oei hơdai hăm Mika. Mika sư lăng bơngai 'lơ̆p 'noh nhen thoi kon drŏ-nglo sư kơdih.

Lu 17:13

Mika khan: Dang ei inh băt boih kơ Kră Yang gô tơgŭm inh đei tơdrong pŭn hiôk, yua kơ bơngai Lêwi pơm 'bok soi inh boih.

Lu 18:30

Tơ noh bơngai Đan lu sư chă tơiung ming rup Yang păng iŏk Jônathan kon drŏ-nglo Gersôm sâu Môis lu kon sâu sư pơtrơp pơm 'bok soi kơ adrĕch Đan truh tơ năr đe blah iŏk dêh noh.

Lu 18:4

Bơngai Lêwi roi: Mika pơk inh jang, Mika apah inh, pơm 'bok soi ăn kơ sư.