Lu 16:18 - Sơ̆p Hlabơar Nơ̆r 'Bok Kei-Dei

¹⁸ Đelila 'bôh Samsơn roi đĭ jơhngơ̆m tơpăt kơ sư boih, sư krao lu 'bok pơgơ̆r bơngai Philistin sư khan: Pă minh 'măng âu, iĕm năm tơ âu bĕ yua kơ sư roi tơpăt đĭ tơm tơdrong ăn kơ inh. Thoi noh lu yŏng pơgơ̆r Philistin năm dơ̆ng tơ hnam sư ei chĕp ba jên hu.

Lu 16:18 Iomraidhean Croise

I Pot 21:20

Ahap khan kơ Êli: “Ơ bơngai ayăt kơ inh, ih rôp tơm măt hă?” Êli tơl: “Inh rôp ih tơm măt boih,” yua kơ ih tĕch akâu ih kơdih wă pơm tơdrong yoch kơnê̆ 'bơ̆t anăp Kră Yang. Na Sư khan:

Horiso 62:9

Sĭt tơpă, bơngai đe ưh kơ gĭt thoi kial dui jơhngơ̆m. Bơngai đe gĭt 'biơ̆ kư̆m tơdrong kơ đei. Atŏk tơ kơpal kĭ lu sư phiơl. Đĭ lu sư hơiơch hloh kơ hơyuh kial dui jơhngơ̆m.

Tơdrông Pơđơk 18:8

Nơ̆r đe roi hơlĕnh sơlam thoi tơmam sa 'ngam; Păng mơ̆t truh tơ klơm klak.

Jo 22:7

Thoi noh, lu kră pơgơ̆r char Môap păng lu kră pơgơ̆r char Madian, năm chĕp ba tơmam apah lu pơjâu, lu sư năm truh tơ Balaam roi dôm nơ̆r Balak đei tơtă.

Mathiơ 26:15

Sư khan: “Dah inh đei rôp ăn kơ iĕm Yêsu, iĕm apah inh dôm yơ?” Na đe noh jô̆ ăn kơ sư jên, pêng-jĭt hlak jên hu so sơ̆.

Êphêsô 5:5

Dôm lu bơngai đi, lu bơngai pơm pơyô kư̆ kă, lu bơngai hưch hanh lơ tơdrong, bơ̆n băt boih lu bơngai oei pơm thoi noh ưh kơ gơh oei hơdai Yêsu Krist hăm 'Bok Kei-Dei kơplah Sư pơgơ̆r pơm Pơtao ning-mônh ôh. Lu bơngai thoi noh lu sư dang bơngai kơkuh kơ yang nai đĕch, lu sư tơchĕng tơdrong noh hloh loi kơ tơdrong 'Bok Kei-Dei.

I Tim 6:10

Bơngai bu hăt kơ chă jên, sư gô pơm tôm tơdrong kơnê̆. Đei bơngai lu mơ'nah hăt kơ chă jên ling-lang na sư jing achăng tơdrong lui sư păng sư đei lơ tơdrong ơh sơ'ngon.

Lu 16:17

Na sư roi tơpăt đĭ-đăng tơdrong. Sư khan: Săng hơkôih sŏk, ưh kơ đei layơ 'bơm kơ̆l inh, yua kơ đơ̆ng inh oei lăm klak mĕ inh. Inh bơngai Nasarit 'măn kơ Kră Yang 'Bok Kei-Dei boih. Tơdah iŏk săng hơkôih sŏk kơ̆l inh, lei jơhngơ̆m pran, gô tĕch đơ̆ng inh lei inh rơdu thoi bơngai nai đĕch mơ̆n.

Lu 16:19

Drŏ-kăn ei pơlung Samsơn tep hơgơn 'bơ̆t blu sư, krao bơngai hơkôih lê̆ tơpơh dăng 'monh sŏk đơ̆ng kơ̆l Samsơn; drŏ-kăn âu pơm kơ Samsơn gleh lap, tơdrong pran sư lĕch đơ̆ng lăm jơhngơ̆m sư.

Lu 16:5

Lu yŏng pơgơ̆r bơngai Philistin năm tơ hnam adruh 'noh khan: Ih athei lung sư, wă kơ băt sư đei jơhngơ̆m pran tih dêh 'noh đơ̆ng yơ păng lu bơ̆n athei pơm thoi yơ wă kơ kĕ rôp chô̆ sư gơh chu kơ nhôn, na rim 'nu kơ lu nhôn gô apah ih mơjĭt-pêng kĭ jên hu.