Lu 16:17 - Sơ̆p Hlabơar Nơ̆r 'Bok Kei-Dei

¹⁷ Na sư roi tơpăt đĭ-đăng tơdrong. Sư khan: Săng hơkôih sŏk, ưh kơ đei layơ 'bơm kơ̆l inh, yua kơ đơ̆ng inh oei lăm klak mĕ inh. Inh bơngai Nasarit 'măn kơ Kră Yang 'Bok Kei-Dei boih. Tơdah iŏk săng hơkôih sŏk kơ̆l inh, lei jơhngơ̆m pran, gô tĕch đơ̆ng inh lei inh rơdu thoi bơngai nai đĕch mơ̆n.

Lu 16:17 Iomraidhean Croise

Tơdrông Pơđơk 12:23

Bơngai hơgei wei ôn nơ̆r bơ̆n hlôh wao, Gah bơngai kơhlôh tơ'bôh hloi bơ̆n kơwao.

Tơdrông Pơđơk 13:3

Bơngai bu gơh wei nơ̆r kơdih, bơngai noh gơh wei tơdrong arih sư; Bơngai bu ha 'bơ̆r kư̆ kă tă kơ răm ngăl.

Tơdrông Pơđơk 29:12

Tơdah lu kră pơgơ̆r mơ̆ng nơ̆r pơma hơlĕnh. Lei đĭ lu bơngai jang tă jing pơm kơnê̆ ngăl.

Mi 7:5

'Nĕ kơ lui kơ bơngai jê̆ iĕm păng kư̆m 'nĕ gan lui gơnang kơ buăl juăt iĕm; athei kơchăng tơdrong ih wă pơma hăm bơngai drŏ-kăn 'bơ̆t kơtơh ih.

Jo 6:2

Ih roi tơbăt ăn kơ adrĕch bơngai Isơrael khan: Mă bơngai drŏ-nglo dah bơngai drŏ-kăn, mưh pơkă pơkăm wă jao kơdih akâu sư kơ Kră Yang. Kiơ̆ thoi khŭl Nasirit

Jo 6:5

Kơplah lăm năr sư wă pơkă jao akâu thoi khŭl Nasirit, ưh kơ gơh yua săng hơkôih, hơkôih kơ̆l; sư athei oei mă rơgoh, lê̆ sŏk chăt kơjung dang yơ dĭng truh tơ đĭ năr sư pơkă kơdih akâu wă pơyơ̆r sư kơ Kră Yang.

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Lu 13:5

yua kơ ih gô anăp păng tơpŭ kơ minh 'nu kon drŏ-nglo. Săng kep dah săng hơkôih ưh kơ gơh 'bơm kơ̆l sư, yua kơ bơngai 'lơ̆p âu sư gô jing bơngai Nasirita wă 'măn kơ Kră Yang 'Bok Kei-Dei iŏk đơ̆ng năr tơpŭ kơ sư truh kơ lôch. Ning-mônh sư gô pơtơm dŏng pơklaih bơngai Isơrael đơ̆ng lăm tơpang ti Philistin.

Lu 16:16

Rim năr hrăn lung pơm kơ Samsơn ưh kơ hiôk rŏ kơ 'maih lôch.

Lu 16:18

Đelila 'bôh Samsơn roi đĭ jơhngơ̆m tơpăt kơ sư boih, sư krao lu 'bok pơgơ̆r bơngai Philistin sư khan: Pă minh 'măng âu, iĕm năm tơ âu bĕ yua kơ sư roi tơpăt đĭ tơm tơdrong ăn kơ inh. Thoi noh lu yŏng pơgơ̆r Philistin năm dơ̆ng tơ hnam sư ei chĕp ba jên hu.