Lu 16:15 - Sơ̆p Hlabơar Nơ̆r 'Bok Kei-Dei

¹⁵ Na Đelila khan kơ Samsơn: Liơ mă ih khan, Inh hưch kơ ih, mă-lei lăm jơhngơ̆m ih ưh kơ tơpăt hăm inh Ih hơlĕnh kơ inh pêng wơ̆t kơ 'nâu boih, ưh kơ roi hơlăng tơpăt kơ inh jơhngơ̆m pran kơtang ih tih dêh 'noh đei đơ̆ng yơ.

Lu 16:15 Iomraidhean Croise

Bl 29:20

Thoi noh, Jakôp yua kơ Rachel, na sư lăng tơpơh sơnăm noh dang lăp 'bar pêng năr.

II Sam 16:17

Apsalôm jet Husai: “'Nâu ih wă tơ'bôh tơdrong ih 'mêm kơ buăl ih hă? Liơ mă ih ưh kơ năm kiơ̆ sư?”

Ne 6:4

Lu sư wơh bơngai năm truh tơ inh puăn 'măng hloi, mă-lei inh khan lei-lăi ưh kơ wăn năm.

Tơdrông Pơđơk 2:16

Dŏng pơklaih ih đơ̆ng lu drŏ-kăn đi; Noh lu bơngai drŏ-kăn juăt kơ pơhlŭ đei nơ̆r rơngơp;

Tơdrông Pơđơk 23:26

Ơ dăm, pơjao bĕ jơhngơ̆m ih kơ inh; Măt ih kơchăm rok kiơ̆ trong inh.

Yo 14:15

“Dah iĕm 'mêm kơ Inh, lei iĕm chu dôm tơdrong Inh pơkă hŏ,

Yo 15:10

Dah iĕm răk dôm tơdrong Inh bơtho, lei inh 'mêm kơ iĕm tơpă, wei-lăng iĕm khŏm khŏm, kư̆m thoi Inh răk dôm tơdrong 'Bă Inh bơtho na Sư 'mêm kơ Inh tơpă păng wei-lăng Inh khŏm khŏm mơ̆n.

Both 6:5

Na lu iĕm athei đĭ jơhngơ̆m klơm klak, đĭ đon tơchĕng đĭ jơhngơ̆m pran 'mêm kơ Kră Yang 'Bok Kei-Dei iĕm.

I Yo 5:3

Dah bơ̆n 'mêm kơ 'Bok Kei-Dei lei bơ̆n athei răk dôm tơdrong Sư pơkă. Dôm tơdrong Sư pơkă noh ưh kơ gleh ôh.

Lu 14:16

Akăn Samsơn nhơ̆m 'bơ̆t sư, khan: Ih areh kơ inh, ih ưh kơ đei 'mêm kơ inh ôh. Ih pơpơn kon pơlei pơla inh athei ăn, mă ih ưh kơ đei roi tơlang kơ inh tơlang liơ, Samsơn tơl: 'Nhŏ kơ mĕ 'bă inh, inh kư̆m ưh kơ roi 'mơ̆i lei liơ inh athei roi kơ ih?

Lu 16:14

Đelila gô Samsơn tep iŏk tơpơh dăng 'monh sŏk Samsơn tanh kơjăp hơdai hăm 'long wai; đang kơ 'noh sư krao: Ơ Samsơn bơngai Philistin wă blah rôp ih, mă-lei sư iung râp hloi 'long wai hăm pơdŭng kơtĕch hloi brai mă tanh hăm sŏk.

Lu 16:16

Rim năr hrăn lung pơm kơ Samsơn ưh kơ hiôk rŏ kơ 'maih lôch.