Lu 16:12 - Sơ̆p Hlabơar Nơ̆r 'Bok Kei-Dei

¹² Thoi noh Đelila iŏk tơlei giĕn 'nao kŭi tam đei bu yua chô̆ Samsơn sư krao: Ơ Samsơn, lu bơngai Philistin wă blah rôp ih! Kơplah 'noh đei lu bơngai răp lăm anih noh, mă-lei sư tơdrŏ tơlei 'noh kơtĕch đĭ đơ̆ng ti sư nhen thoi brai.

Lu 16:12 Iomraidhean Croise

Jang 21:33

'Bok tih linh năm tơ Pôl athei hloi lu linh rôp chô̆ sư hăm tơlei glang mam 'bar dăng. Na đơ̆ng noh sư jet: “Anăn sư bu 'nâu? Sư pơm tơdrong kiơ?”

Lu 15:14

Lăp lu sư truh tơ tơring Lêhi, kon pơlei Philistin lĕch tơ 'nguaih lu sư jreo ôr wă sơng iŏk Samsơn, na đei yang bơhngol Kră Yang jur oei hơdai sư hăm pơm kơ sư pran na tơlei giĕn đêl đe chô̆ ti sư 'noh nhen thoi brai ŭnh sa kơtĕch đĭ, hloi đơ̆ng ti sư.

Lu 16:11

Samsơn khan: Tơdah đe chô̆ gơhret inh hăm tơlei giĕn 'nao kŭi ưh tam đei bu yua, lei inh gô jing rơdu, nhen thoi lu bơngai nai đĕch.

Lu 16:13

Đelila khan Ih oei roi hơlĕnh kơ inh dơ̆ng; apinh ih roi ăn kơ inh băl. Pơm liơ wă kơ gơh kôp chô̆ ih? Samsơn khan: Dah ih 'monh tơpơh dăng monh sŏk kơ̆l inh tơ 'long wai na tanh kơjăp sư. Lei inh gô rơdu, nhen thoi lu bơngai nai.