Lu 15:7 - Sơ̆p Hlabơar Nơ̆r 'Bok Kei-Dei

⁷ Samsơn khan kơ lu sư: Đơ̆ng lu iĕm pơm thoi noh na inh kư̆m wă iung kơting pơm 'mong đơ̆ng kơ iĕm, mă keh 'mơ̆i na inh mă lê̆.

Lu 15:7 Iomraidhean Croise

Rom 12:19

Ơ 'nhŏng oh mă inh 'mêm kơeng, bơ̆n 'nĕ kơ pơm tơwih kơ đe tơdrong kơnê̆ hŏ, gô mơ̆ng kơ 'Bok Kei-Dei pơm tơwih đĕch 'bơ 'bang. Yua kơ tơdrong noh sơ̆ 'Bok Kei-Dei đei khan thoi âu: “Lê̆ kơ Inh pơm tơwih kơ bơngai pơm kơnê̆ noh; Inh gô phak sư yua kơ sư pơm kơnê̆.”

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 14:4

Mĕ 'bă sư ưh kơ băt ôh tơdrong 'noh lĕch đơ̆ng Kră Yang; wă chă tơdrong trŏ wă kơ sư pơm kơ kon pơlei Philistin, yua kơ kơplah 'noh lu bơngai Philistin oei pơgơ̆r lu bơngai Isơrael.

Lu 15:6

Kon pơlei Philistin khan: Bu pơm tơdrong 'nâu? Đei khan: 'Noh đơ̆ng Samsơn ŏng bơngai pơlei Timna, yua kơ bơngai Timna rôp akăn sư ăn lê̆ kơ buăl sư oei pơm akăn. Na kon pơlei Philistin năm hloi truh tơ noh, soh pơlôch lê̆ bơngai drŏ-kăn ei hăm 'bă sư hloi.

Lu 15:8

Sư iung bruh păng teh pơlôch đei lơ bơngai, na Samsơn jur oei tơ lăm hơgơp tơmo lăm pơlei Êtam.