Lu 15:5 - Sơ̆p Hlabơar Nơ̆r 'Bok Kei-Dei

⁵ Sư soh hơchô̆ 'long ŭnh na achăng lu mơja 'noh mơ̆t lăm mir 'ba mi kon pơlei Philistin; thoi noh ŭnh sa 'ba lu sư chô̆ boih păng sa hloi 'ba mi tam mă yuă, soh sa pơđĭ hloi pơgar 'long ôliwơ păng pơgar hơmu.

Lu 15:5 Iomraidhean Croise

II Sam 14:30

Apsalôm khan kơ lu đĭch đam sư: “Lăng bĕ to chŭn Jôap, mă đei pơtăm 'ba tơ'bâu, jê̆ chŭn inh; năm soh lê̆ bĕ chŭn sư noh.” Lu đĭch đam Apsalôm iŏk ŭnh soh hloi chŭn Jôap noh.

Le 22:6

Tơdah bu soh jơ'bôt jơla na bơmrok truh tơ 'ba đe chô̆ bơih dah sa kơtă kơ tơm, bơyan 'ba, dah sa pơđĭ lăm chŭn, bơngai mă soh ŭnh sa 'noh athei duh tôm tơmam đêl ŭnh sa 'noh.

Le 23:11

mă-lei truh tơ sơnăm mă tơpơh ih ưh kơ choh pơtăm athei lê̆ teh pơdơh. Wă kơ lu bơngai dơnuh hin lăm kon pơlei pơla ih gơh yua iŏk plei đơ̆ng teh 'noh, oei đei đăi dôm yơ, lê̆ kơ sem bri sa kư̆m athei pơm thoi noh gah pơgar hơmu hăm pơgar 'long ôliwơ.

Lu 15:4

Thoi noh Samsơn năm rôp pêng-hrĕng tŏ mơja sư iŏk hơchô̆ hơpaih 'long ŭnh lơ. Sư chô̆ kiĕng 'bar tŏ mơja grôi hơbĭ na chô̆ minh hơchô̆ hơpaih 'long ŭnh sơlam 'bar tŏ kiĕng mơja grôi.

Lu 15:6

Kon pơlei Philistin khan: Bu pơm tơdrong 'nâu? Đei khan: 'Noh đơ̆ng Samsơn ŏng bơngai pơlei Timna, yua kơ bơngai Timna rôp akăn sư ăn lê̆ kơ buăl sư oei pơm akăn. Na kon pơlei Philistin năm hloi truh tơ noh, soh pơlôch lê̆ bơngai drŏ-kăn ei hăm 'bă sư hloi.