Lu 14:3 - Sơ̆p Hlabơar Nơ̆r 'Bok Kei-Dei

³ Mĕ 'bă sư tơl: Liơ ưh kơ đei ôh hă minh 'nu adruh lăm kon pơlei pơla bơ̆n, lăm adrĕch adrung bơ̆n, na mă kon khan wă chă akăn đơ̆ng kon pơlei bơngai Philistin lu sư ưh kơ đei kăt tơdra akar ôh. Samsơn khan kơ 'bă sư: Apinh 'bă rôp ăn kơ inh bĕ adruh 'noh, yua kơ inh lăp hưch kơ sư boih.

Lu 14:3 Iomraidhean Croise

Bl 13:8

Abram khan kơ Lot thoi âu: “Oei pôm hơtô hơrao hơnao, kăt apinh ba 'nĕ pă pơjah băl; lu bơngai wei triu ba hai kư̆m 'nĕ pă tơgar băl.

Bl 21:27

Đơ̆ng noh Abraham rôp triu hăm rơmo pơyơ̆r ăn kơ pơtao Abimêlek, đơ̆ng noh măr sư pơgơ̆p pơkăm băl.

Bl 34:14

Lu sư khan thoi âu: Lu nhôn ưh kơ gơh ôh chă ăn klo kơ oh lu nhôn bơngai mă ưh kơ kăt tơdra akar, yua kơ gô pơm ăn kơ lu nhôn mơlâu pă băt.

II Sam 1:20

'Nĕ chă roi tơdrong 'nâu tơ lăm pơlei Gat, 'nĕ chă roi tơdrong noh kiơ̆ trong tih pơlei Askalon; kơnh lu bơngai drŏ-kăn Philistin hiĕk chhôk, lu drŏ-kăn bơngai ưh kơ kăt tơdra akar hiôk chơt.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

Lu 14:2

Sư wih brŏk roi kơ mĕ 'bă sư: Kon đei 'bôh minh 'nu adruh bơngai Philistin lăm pơlei Timna; dang ei apinh iĕm rôp ăn adruh 'noh pơm akăn kon.

Lu 15:18

Yua kơ sư rơhing 'maih nhă đak dêh na sư krao apinh Kră Yang khan: “Ih ăn boih kơ đĭch đam ih tơdrong jơnei tih dêh âu, na dang ei inh wă lôch ngôi rơhing đak, na kư̆m wă huŏng 'bônh lăm ti lu bơngai ưh kơ chu kăt tơdra akar hă?”

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.

I Sam 17:26

Đawit jet lu bơngai ngôi jê̆ sư: Đe gô apah kiơ kơ bơngai gơh pơlôch bơngai Philistin 'nâu păng wă kơ huay pă pơjăm lu bơngai Isơrael dơ̆ng? Lu bơngai Philistin 'nâu, lu bơngai ưh kơ chu kăt tơdra akar, sư bu, na mă pơ̆n pơjăm lu linh Kră Yang 'Bok Kei-Dei arih ling-lang?

I Sam 17:36

Inh pơlôch boih dăm-brang păng chơgơu, thoi noh na bơngai Philistin to ưh kơ chu kăt tơdra akar tăm dơ̆ng inh kư̆m gô teh pơlôch sư thoi sem brem noh mơ̆n; yua kơ sư pơjăm lu linh Kră Yang 'Bok Kei-Dei mă arih ling-lang.

I Sam 31:4

Sôl khan kơ bơngai chĕp tơmam tơblah sư: Toh bĕ tơju ih, 'bet inh wăi, kơnh lu bơngai ưh kơ chu kăt tơdra akar 'bet inh păng gô che bơle kơ inh. Mă-lei bơngai mă chĕp tơmam sư tơblah ưh kơ pơ̆n 'bet, yua kơ hli dêh; Sôl iŏk tơju glơ̆m akâu sư kơdih.