Lu 14:18 - Sơ̆p Hlabơar Nơ̆r 'Bok Kei-Dei

¹⁸ Truh đĭ tơpơh năr boih adrol kơ 'năr wă mơ̆t, lu bơngai tơdăm lăm kon pơlei năm khan kơ Samsơn na roi tơblang tơdrong pơpơn noh: Đei kiơ mă 'ngam hloh kơ đah sut? Đei kiơ mă pran hloh kơ dăm-brang? Samsơn tơl khan: Tơdah lu iĕm ưh kơ choh rơuơ hăm rơmo adruh inh, lei lu iĕm ưh kơ gơh ôh tơlang nơ̆r inh pơpơn.

Lu 14:18 Iomraidhean Croise

II Sam 1:23

Ôi pơtao Sôl hăm Jônathan trŏ kơ 'mêm gĭt tơpă! Mă oei arih truh tơ lôch kư̆m ưh kơ đei achăng băl: Măr sư hơbĕch hloh kơ Klang pran hloh kơ Dăm-brang!

Horiso 81:16

Mă-lei Inh gô iŏk phe 'ba mi mă 'lơ̆ng hloh 'me rong lu sư. Păng ăn kơ lu sư phĭ jơnap, hăm đak sut bri đơ̆ng lăm tơmo.”

Tơdrông Pơđơk 30:30

Dăm-brang pran kơtang hloh kơ đĭ-đăng sem brem, Ưh kơdŭn tơ rŏng ôh 'bơ̆t anăp lu sem brem nai:

Êsêkiên 1:10

Muh măt lu sư thoi âu: Rim kơ lăm puăn tŏ noh đei muh măt thoi kon bơngai, rim lăm puăn tŏ noh đei muh măt dăm-brang gah 'ma; rim lăm puăn tŏ noh đei muh măt rơmo gah 'ngiĕo; păng rim lăm puăn tŏ noh đei muh măt sem klang.

Lu 14:17

Lăm tơpơh năr et sa noh adruh 'noh nhơ̆m ling-lang 'bơ̆t sư; hlôi kơ tơpơh năr boih sư pă kĕ ĕnh sư tơlang ăn kơ akăn sư, yua kơ akăn sư nŏng lung sư. Na akăn sư roi ăn kơ lu kon pơlei pơla sư tơlang tơdrong pơpơn noh.

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.