Lu 13:7 - Sơ̆p Hlabơar Nơ̆r 'Bok Kei-Dei

⁷ Mă-lei sư đei khan kơ inh: 'Nâu ih gô anăp păng tơpŭ kơ minh 'nu kon drŏ-nglo; thoi noh na ih 'nĕ kơ huch sik đak hơmu, dah tơmam kiơ suai păng 'nĕ kơ sa tơmam kiơ mă ưh kơ rơgoh, yua kơ bơngai 'lơ̆p âu iŏk đơ̆ng năr tơpŭ kơ sư truh tơ sư lôch sư gô jing bơngai Nasarit ăn kơ Kră Yang 'Bok Kei-Dei.

Lu 13:7 Iomraidhean Croise

Je 35:6

Mă-lei lu sư tơl: “Lu nhôn ưh kơ lah huch sik ôh; yua kơ 'bok lu nhôn Jônađap, kon drŏ-nglo Rêkap đei bơtho khan kơ lu nhôn: Lu iĕm păng đĭ kơ lu sâu se iĕm ning-mônh 'nĕ kơ et sik.

Am 2:11

Inh đei pơjing tơiung lu bơngai khan lê̆ adrol lăm lu kon pơlei iĕm păng pơjing dôm lu bơngai Nasiril lăm lu kon tơdăm iĕm. Kră Yang khan: Ơ kon sâu Isơrael, hăm trŏ thoi ei?

Jo 6:2

Ih roi tơbăt ăn kơ adrĕch bơngai Isơrael khan: Mă bơngai drŏ-nglo dah bơngai drŏ-kăn, mưh pơkă pơkăm wă jao kơdih akâu sư kơ Kră Yang. Kiơ̆ thoi khŭl Nasirit

Lu 13:4

Ih athei kơchăng, 'nĕ kơ huch sik đak hơmu dah tơmam kiơ suai păng kư̆m 'nĕ kơ sa tơmam kiơ mă ưh kơ rơgoh,

Lu 13:6

Bơngai drŏ-kăn noh năm roi kơ klo sư: Đei minh 'nu bơngai đơ̆ng Kră Yang 'Bok Kei-Dei năm tơ'bơ̆p inh, muh măt sư nhen akâu linh jang 'lơ̆ng Kră Yang 'Bok Kei-Dei trŏ kơ hli krưp tơpă. Inh ưh kơ pơ̆n jet sư đơ̆ng yơ; sư kư̆m ưh kơ tơbăt kơ inh anăn sư,

Lu 13:8

Manôa sư krao khan apinh Kră Yang: Ơ Kră Yang, inh apinh Ih ăn bơngai bu mă Ih wơh 'noh ki, năm dơ̆ng tơ lu nhôn wă kơ bơtho lu nhôn dôm tơdrong wă pơm liơ kơ kon wă tơpŭ tơ anăp âu kơnh.