Lu 13:5 - Sơ̆p Hlabơar Nơ̆r 'Bok Kei-Dei

⁵ yua kơ ih gô anăp păng tơpŭ kơ minh 'nu kon drŏ-nglo. Săng kep dah săng hơkôih ưh kơ gơh 'bơm kơ̆l sư, yua kơ bơngai 'lơ̆p âu sư gô jing bơngai Nasirita wă 'măn kơ Kră Yang 'Bok Kei-Dei iŏk đơ̆ng năr tơpŭ kơ sư truh kơ lôch. Ning-mônh sư gô pơtơm dŏng pơklaih bơngai Isơrael đơ̆ng lăm tơpang ti Philistin.

Lu 13:5 Iomraidhean Croise

II Sam 8:1

Đơ̆ng rŏng kơ noh Đawit blah bơngai Philistin jei sư, pơjei iŏk pơgơ̆r lu pơlei tih đơ̆ng lu sư păng rôp lu sư pơm bơnă, Đawit blah iŏk pơlei Mathek Ama đơ̆ng bơngai Philistin.

I Ho 18:1

Đang kơ noh Đawit tơblah hăm lu bơngai Philistin jei sư, păng lu sư chu kiơ̆, păng blah iŏk pơlei Gat hăm đĭ-đăng lu pơlei iĕ jum dăr đơ̆ng lu Philistin.

Am 2:11

Inh đei pơjing tơiung lu bơngai khan lê̆ adrol lăm lu kon pơlei iĕm păng pơjing dôm lu bơngai Nasiril lăm lu kon tơdăm iĕm. Kră Yang khan: Ơ kon sâu Isơrael, hăm trŏ thoi ei?

Jo 6:5

Kơplah lăm năr sư wă pơkă jao akâu thoi khŭl Nasirit, ưh kơ gơh yua săng hơkôih, hơkôih kơ̆l; sư athei oei mă rơgoh, lê̆ sŏk chăt kơjung dang yơ dĭng truh tơ đĭ năr sư pơkă kơdih akâu wă pơyơ̆r sư kơ Kră Yang.

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Lu 16:17

Na sư roi tơpăt đĭ-đăng tơdrong. Sư khan: Săng hơkôih sŏk, ưh kơ đei layơ 'bơm kơ̆l inh, yua kơ đơ̆ng inh oei lăm klak mĕ inh. Inh bơngai Nasarit 'măn kơ Kră Yang 'Bok Kei-Dei boih. Tơdah iŏk săng hơkôih sŏk kơ̆l inh, lei jơhngơ̆m pran, gô tĕch đơ̆ng inh lei inh rơdu thoi bơngai nai đĕch mơ̆n.

I Sam 1:11

Sư pơma pơkă khan: Ơ Kră Yang Tih Hloh, tơdah ih lăng mơnat kơ đam drŏ-kăn ih, 'blŏk bĕ kơ inh 'nĕ kơ hiơt kơ inh đam drŏ-kăn ih, mă-lei gô ăn kơ đam drŏ-kăn ih đei minh 'nu kon drŏ-nglo, thoi ei inh gô ăn sư kơ ih Kră Yang đĭ chăl arih sư, ưh kơ gơh yuă dah hơkôih sŏk sư.

I Sam 7:13

Philistin thuơ bơih, ưh pă pơ̆n tơgar iŏk teh đơ̆ng bơngai Isơrael dơ̆ng. Đĭ chăl arih Samuel, ti Kră Yang găn ưh kơ ăn bơngai Philistin tơgar iŏk dơ̆ng.