Lu 13:25 - Sơ̆p Hlabơar Nơ̆r 'Bok Kei-Dei

²⁵ Yang bơhngol 'lơ̆ng Kră Yang pơih ăn kơ jơhngơ̆m sư pran kơplah sư oei tơ lăm tơring Mahaneh Đan sơlam pơlei Sôra păng Êstaôl.

Lu 13:25 Iomraidhean Croise

Mathiơ 4:1

Đơ̆ng noh na Yang Bơhngol 'Lơ̆ng anhăk ba Yêsu tơ char glă kơdrô̆ Sư, wă kơ yŏng pơgơ̆r yang kơnê̆ anăn sư Satan pơlong lăng Sư.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Jôsuê 15:33

Lăm tơring groi gah bơmơ̆t: Đei pơlei Êstaôl, Sôra, Asna,

Jôsuê 19:41

Teh char lu sư jang sa noh đei pơlei: Sôra, Êstaôl Irsêmês.

Lu 11:29

Kơplah noh Yang bơhngol 'lơ̆ng Kră Yang jur oei hăm Jeptha; sư năm hlôi kơ char Gileat păng char Manase, năm truh hloi tơ pơlei Mispa lăm char Gileat; đơ̆ng noh sư năm blah kon pơlei Ammôn.

Lu 14:1

Samsơn jur năm truh tơ pơlei Timna. Tơ noh sư 'bôh minh 'nu adruh bơngai Philistin.

Lu 14:19

Kơplah 'noh yang bơhngol Kră Yang jur năm jur oei hăm sư lăm tơdrong pran. Sư jur năm tơ pơlei Askalon pơlôch pêng-jĭt 'nu bơngai pơlei noh na plôh iŏk pêng-jĭt blah ao lu sư na, apah ăn kơ lu bơngai tơlang trŏ nơ̆r pơpơn 'noh hei. Đơ̆ng noh lăm jơhngơ̆m sư blĕk dêh nhen thoi ŭnh, sư wih brŏk tơ hnam 'bă sư.

Lu 16:31

Đơ̆ng rŏng kơ noh, 'nhŏng oh sư păng đĭ-đăng hnam dơnŏ 'bă sư jur tơ noh, iŏk ba atâu sư brŏk 'bŭ tơ lăm bơsat Manôa 'bă sư, sơlam pơlei Sôra hăm pơlei Êstaôl Samsơn pơm 'bok sek tơlang kơ lu bơngai Isơrael lăm 'bar-jĭt sơnăm.

Lu 18:2

Thoi noh bơngai Đan rơih pơđăm 'nu lu bơngai nuih kơtang, năm đơ̆ng pơlei Sôra păng Êstaôl wơh chop lăng dêh 'noh. Lu bơngai âu tang măt ăn kơ lăm đĭ-đăng adrĕch lu sư. Bơngai Đan pơkă kơ lu sư: “Athei năm chop lăng dêh.” Lu sư năm truh tơ tơring groi kông Êphraim, năm tơ hnam Mika păng tep tơ noh.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

Lu 6:34

Yang Bơhngol 'lơ̆ng Kră Yang truh oei hơdai Giđêôn; sư hlôm keng krao lu bơngai Abierit akŭm băl kiơ̆ sư.

I Sam 11:6

Lăp Sôl kơtơ̆ng tơdrong noh, sư đei Yang Bơhngol đơ̆ng Kră Yang 'Bok Kei-Dei pơtrŭt sư păng sư hil blĕk ơh dêh.