Lu 13:1 - Sơ̆p Hlabơar Nơ̆r 'Bok Kei-Dei

¹ Kon pơlei Isơrael pơm kơnê̆ 'bơ̆t anăp Kră Yang dơ̆ng; yua kơ thoi noh na Kră Yang pơjao lu sư lăm tơpang ti lu bơngai Philistin lăm puăn-jĭt sơnăm.

Lu 13:1 Iomraidhean Croise

Je 13:23

Bơngai Êthiôpi hăm gơh tơplih ming akar găm lu sư, djrang hăm gơh tơplih sŏk brông lu sư, lu iĕm kư̆m lei-lăi juăt kơ pơm yoch boih. Liơ iĕm gơh pơm 'lơ̆ng?

Rom 2:6

Sư gô sek tơlang 'blep dôm tơdrong đêl bơ̆n pơm.

Hêbrơ 11:32

Na inh wă pơma kiơ dơ̆ng, inh pơma dôm noh iĕm hlôh boih. Inh roi kơ iĕm tôm tơdrong Gêdêôn, Barak, Samsŏng, Jêpti, Đawit, Samuel păng lu 'bok pơtruh nơ̆r 'Bok Kei-Dei sơ̆, mă inh ưh kơ wăn.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 10:7

Kră Yang hil mĭl kơ lu bơngai Isơrael; na Kră Yang jao lu sư kơ lu bơngai Philistin păng lu bơngai Ammôn pơgơ̆r lu sư.

Lu 12:15

Đang đơ̆ng rŏng kơ Apđôn, kon drŏ-nglo Hilel lôch; đe 'bŭ sư tơ pơlei Pirathon lăm dêh Êphraim, lăm char gah groi kông bơngai Amalek.

Lu 14:4

Mĕ 'bă sư ưh kơ băt ôh tơdrong 'noh lĕch đơ̆ng Kră Yang; wă chă tơdrong trŏ wă kơ sư pơm kơ kon pơlei Philistin, yua kơ kơplah 'noh lu bơngai Philistin oei pơgơ̆r lu bơngai Isơrael.

Lu 15:11

Na đei pêng-rơbâu 'nu lu bơngai Juđa jur tơ lăm hơgơp tơmo tơ pơlei Êtam khan kơ Samasơn: Ih ưh kơ băt hă kon pơlei Philistin boih pơgơ̆r lu bơ̆n? Liơ mă ih pơm kơ lu nhôn thoi noh? Sư tơl: Inh pơm 'mong tơwih kơ lu sư thoi lu sư đei pơm kơ inh boih.

Lu 15:20

Samsơn kơplah lăm chăl kon pơlei Philistin pơgơ̆r. Samsơn pơm 'bok sek tơlang kơ bơngai Isơrael lăm 'bar-jĭt sơnăm.

Lu 2:11

Kơplah noh lu bơngai Isơrael pơm kơnê̆ 'bơ̆t anăp Kră Yang, kơkuh kơ lu rup yang Baal

Lu 3:7

Kon pơlei Isơrael pơm tơdrong kơnê̆ 'bơ̆t anăp Kră Yang, hiơt kơ Kră Yang 'Bok Kei-Dei lu sư, bơ̆jang kơkuh kơ rup yang Baal păng yang Asêrôt.

Lu 4:1

Đơ̆ng rŏng kơ Êhut lôch boih, na kon pơlei Isơrael pơm kơnê̆ dơ̆ng 'bơ̆t anăp Kră Yang.

Lu 6:1

Lu bơngai Isơrael pơm tơdrong kơnê̆ dơ̆ng 'bơ̆t anăp Kră Yang; na Kră Yang jao lu sư lăm ti kon pơlei Miđian lăm tơpơh sơnăm.

I Sam 12:9

Mă-lei lu sư hiơt kơ Kră Yang 'Bok Kei-Dei lu sư, na Sư ăn lu sư kơ Sisêra, yŏng lu linh kơ pơtao đe Hasor, ăn lu sư lăm ti đe Philistin păng ăn kơ pơtao Môap; lu đe noh tơblah pơrăm lu sư.

I Sam 4:9

Ơ bơngai Philistin, mă nuih bĕ, tơblah mă kơtang bĕ! Kơnh hli kơ iĕm pơm đĭch kon pơlei Hêbrơ, thoi lu sư đei pơm đĭch lu iĕm! Athei mă nuih kơtang năm blah bĕ!

I Sam 7:13

Philistin thuơ bơih, ưh pă pơ̆n tơgar iŏk teh đơ̆ng bơngai Isơrael dơ̆ng. Đĭ chăl arih Samuel, ti Kră Yang găn ưh kơ ăn bơngai Philistin tơgar iŏk dơ̆ng.