Lu 12:6 - Sơ̆p Hlabơar Nơ̆r 'Bok Kei-Dei

⁶ Lu bơngai Gileat khan kơ sư: “Pơma bĕ nơ̆r Sibôlêt;” Sư pơma nơ̆r: “Sibôlêt,” sư pơma ưh kơ hơđăl: Na lu sư rôp pơlôch hloi sư tơ anih tơnŏk tŏk kơ đak Krong Jôrđăn. Lăm chăl 'noh đei puăn-jĭt 'bar-rơbâu 'nu lu bơngai Êphraim đe pơlôch.

Lu 12:6 Iomraidhean Croise

Horiso 69:15

'Nĕ ăn kơ đak lơ̆p inh, păng sơlŭng jrŭ hiup inh. 'Bơ̆r hơlŭng hơlih klơ̆p inh.

Horiso 69:2

Inh puh lăm hlŭt jrŭ, anih chro jơ̆ng ưh pă tôch. Inh glơ̆k lăm đak jrŭ, đak lơ̆p lê̆ inh.

Tơdrông Pơđơk 17:14

Pơtơm tơhil pơjah noh nhen thoi bơnơ̆ bơ̆ đak pơchah. Thoi noh na jah pơdơh tơhil adrol kơ blĕk rai dêh.

Tơdrông Pơđơk 18:19

Pơlung 'nhŏng oh lăp jơhngơ̆m, kơtrơ̆m jah blah kơđông kơjăp đĕch 'bônh; Tơdrong pơjah noh nhen thoi pơlei kơjăp chơkăl 'măng jang boih.

Bôk Bơthô 10:12

Nơ̆r bơngai hơgei pơma pơm ăn kơ đe pơyom; mă-lei nơ̆r bơngai kơtul pơma ba tơdrong răm kơdih akâu.

Êsai 27:12

Lăm năr noh kơnh Kră Yang preh ba đơ̆ng đak Krong Ơphrat truh tơ glung đak Êyiptơ, ơ kon pơlei Isơrael đe gô chă dônh iĕm minh 'nu, minh 'nu.

Mathiơ 12:25

Yêsu băt kơ lu sư tơchĕng thoi noh na Sư khan: “Dah minh pôm teh đak tơblah dih băl, teh đak noh gô pơchah hiong tôch. Dah minh pôm pơlei dah minh pôm hnam dơnŏ tơblah dih băl, pơlei dah hnam dơnŏ noh gô hiong hiach.

Mathiơ 26:73

Lăp đunh 'biơ̆ kơ noh lu bơngai oei kiơ̆ ei năm tơ Pêtrôs păng khan: “Ih khŭl lu sư tơpă na ih pơma lei-lăi thoi lu sư.”

Markôs 14:70

Mă-lei Pêtrôs oei sơngah dơ̆ng. Lăp đunh 'biơ̆ kơ noh lu bơngai oei kiơ̆ ei khan kơ Pêtrôs: “Ih khŭl lu sư tơpă yua kơ ih bơngai đơ̆ng dêh Galilê thoi lu sư mơ̆n.”

Galati 5:15

Thoi noh iĕm 'nĕ kơ pơrăm dih băl hli kơ hiong đĭ tơdrong lui iĕm. Dah iĕm pơm thoi noh dang lĕ kơ sem bri tơkăp dih băl jing lôch răm akâu kơdih.

Lu 12:5

Lu bơngai Gileat blah iŏk dôm tŏ anih tơnŏk đơ̆ng tŏk kơ đak Krong Jôrđăn wă brŏk tơ Êphraim, tơdah đei lu bơngai Êphraim apinh khan: Apinh ăn kơ inh tŏk tơ pah to, đei lu bơngai Gileat apinh sư: “Ih hăm trŏ bơngai đơ̆ng Êphraim ưh?” Dah bơngai noh tơl: “Ưh ôh.”

Lu 12:7

Jeptha pơm 'bok kră sek tơlang kơ lu bơngai Isơrael tơdrâu sơnăm; na sư lôch, đe 'bŭ sư lăm pơlei tơ dêh Gileat.