Lu 12:5 - Sơ̆p Hlabơar Nơ̆r 'Bok Kei-Dei

⁵ Lu bơngai Gileat blah iŏk dôm tŏ anih tơnŏk đơ̆ng tŏk kơ đak Krong Jôrđăn wă brŏk tơ Êphraim, tơdah đei lu bơngai Êphraim apinh khan: Apinh ăn kơ inh tŏk tơ pah to, đei lu bơngai Gileat apinh sư: “Ih hăm trŏ bơngai đơ̆ng Êphraim ưh?” Dah bơngai noh tơl: “Ưh ôh.”

Lu 12:5 Iomraidhean Croise

I Pot 11:26

Jêrôbôam kon drŏ-nglo Nêbat, bơngai Êphraim oei tơ pơlei Sêrêđa, sư đĭch đam Sôlômôn; mĕ sư adro, anăn Sêrua; sư wă iung blah pơtao Sôlômôn mơ̆n.

Jôsuê 2:7

lu bơngai druh 'moi rok trong truh tơ đak Krong Jôrđăn anih đơng 'biơ̆. Lăp lu sư năm 'nao hlôi kơ pơlei, 'măng dur đe tang hloi.

Jôsuê 22:11

wă kon pơlei Isơrael kơtơ̆ng khan lu bơngai Rubên, bơngai Gat păng minh puăt adrĕch Manase, pơm chơnang soi tơ Krong Jôrđăn lăm char Kanaan lăm teh kon pơlei Isơrael gah bơmơ̆t,

Lu 12:4

Jeptha krao akŭm đĭ-đăng kon pơlei Gileat năm blah lu bơngai Êphraim jei kon pơlei Gileat. Bơngai drŏ-nglo char Gileat blah kon pơlei Êphraim yua kơ lu sư khan: Ơ kon pơlei Gileat, lu iĕm bơngai kơchu kư̆ kă weh đơ̆ng char Êphraim păng đŏng lu kon pơlei Manase đĕch.

Lu 12:6

Lu bơngai Gileat khan kơ sư: “Pơma bĕ nơ̆r Sibôlêt;” Sư pơma nơ̆r: “Sibôlêt,” sư pơma ưh kơ hơđăl: Na lu sư rôp pơlôch hloi sư tơ anih tơnŏk tŏk kơ đak Krong Jôrđăn. Lăm chăl 'noh đei puăn-jĭt 'bar-rơbâu 'nu lu bơngai Êphraim đe pơlôch.

Lu 17:7

Đei minh 'nu tơdăm đơ̆ng pơlei Betlehem lăm dêh Juđa. Tơdăm âu tơpŭ kơ sư wơ̆ 'lŏ hăm kon pơlei Juđa.

Lu 3:28

Êhut khan kơ lu sư: Kiơ̆ inh bĕ, yua kơ Kră Yang jao boih kon pơlei Môap lăm ti lu iĕm, bơngai mă ayăt kơ lu iĕm. Đĭ lu sư jur kiơ̆ sư, năm blah iŏk anih đơ̆ng đak Krong Jôrđăn, noh trong lu bơngai Môap juăt kơ tŏk găn đak krong trong noh ưh kơ đei ăn bu năm.

Lu 7:24

Giđêôn wơh bơngai năm tơ jơ̆p kơ groi kông Êphraim, na krao: Jur năm blah kon pơlei Miđian blah iŏk trong tơnŏk đơng lu sư juăt tŏk kơ đak Krong Jôrđăn, blah truh tơ pơlei Bêt Bara păng iŏk rok jih đak Krong Jôrđăn. Thoi noh lu bơngai drŏ-nglo Êphraim năm. Lu sư blah iŏk trong đơ̆ng tŏk kơ đak krong Jôrđăn dĭng truh tơ pơlei Bêt Bara păng iŏk rok jih đak Krong Jôrđăn.

I Sam 1:1

Đei minh 'nu bơngai drŏ-nglo đơ̆ng pơlei Ramathaim Suphima lăm tơring groi kông Êphraim anăn sư Êlkana, kon drŏ-nglo Jêrôham sâu Êlihu, sâu i Tơhu, sâu ach Sup, bơngai adrĕch Êphraim.