Lu 10:4 - Sơ̆p Hlabơar Nơ̆r 'Bok Kei-Dei

⁴ Sư đei pêng-jĭt 'nu kon drŏ-nglo hao pêng-jĭt tŏ aseh iĕ păng pơgơ̆r pêng-jĭt tŏ pơlei tơ lăm dêh Gileat. Lu pơlei âu đe anăn tơ tơring Hawôt Jar truh tơ dang ei.

Lu 10:4 Iomraidhean Croise

II Sam 16:2

Pơtao jet Siba: “Ih wă pơm kiơ kơ tơmam noh?” Siba khan: “'Bar tŏ aseh iĕ noh yua ăn kơ bơngai lăm hnam pơtao hao, 'bĕng păng plei hơmu noh yua pơm tơmam sa ăn kơ khŭl linh, na sik hơmu noh wă yua ăn kơ lu bơngai brŏk đơ̆ng char glă gleh lap huch.”

Sa 9:9

Ơ kon drŏ-kăn Siôn chơt hiôk bĕ đĭ-đăng! Ơ kon drŏ-kăn Jêrusalem, jreo tơkĕch chơt hiôk bĕ! 'Nâu, pơtao lu iĕm truh tơ lu iĕm boih, Sư jơ̆ tơpăt ăn tơdrong dŏng pơklaih, iŏk đon ala hao aseh iĕ, wă khan kon aseh yŏng.

Jo 32:41

Jair, kon sâu Manase, năm blah iŏk lu pơlei iĕ đơ̆ng kon pơlei adrĕch Amôrit, krao hloi anăn pơlei Hawôt Jar.

Both 3:14

Jair adrĕch Manase, iŏk đĭ tơring Argôp truh tơ hơdral kon pơlei Gêsur păng Makathit, krao anăn sư kơdih pơlei Hawôt Jar lu pơlei lăm dêh Basan, truh tơ dang ei.

Lu 10:3

Đơ̆ng rŏng kơ sư lôch đei Jair, bơngai Gileat, iung pơm 'bok sek tơlang lu bơngai Isơrael lăm 'bar-jĭt 'bar sơnăm.

Lu 10:5

Lăp Jair lôch na đe 'bŭ sư tơ pơlei Kamôn.

Lu 12:14

Sư đei puăn-jĭt 'nu kon drŏ-nglo păng pêng-jĭt 'nu sâu drŏ-nglo mơ̆n; lu sư hao tơpơh-jĭt tŏ aseh iĕ. Sư pơm 'bok sek tơlang lăm Isơrael tơhngam sơnăm.

Lu 5:10

Ơ lu bơngai hao aseh iĕ kok, Ơ lu bơngai hơ-oei an 'lơ̆ng kơpal kơdŭ aseh, Lu bơngai tơmoi yak rok trong tih, roi bĕ tơdrong noh.