Lu 10:16 - Sơ̆p Hlabơar Nơ̆r 'Bok Kei-Dei

¹⁶ Lu sư hŭt lê̆ đĭ lu yang nai đêl lu sư kơkuh păng awih awăn chu kiơ̆ Kră Yang. Kră Yang Sư sơ'ngon dêh 'bôh lu bơngai Isơrael pơmat-tat.

Lu 10:16 Iomraidhean Croise

Bl 6:6

Na Sư hmach kơdih Sư kơ tơdrong pơjing boih kon bơngai kơpal teh păng Sư sơ'ngon lăm jơhngơ̆m.

II Pot 13:23

Mă-lei Kră Yang mơnat tơgŭm wei-lăng lu sư yua kơ Sư pơkă bơih hăm Abraham, Isăk păng Jakôp. Kră Yang ưh kơ wă pơrăm lu sư, ưh kơ achăng lê̆ lu sư truh tơ dang ei.

II Ho 15:8

Wă Asa kơtơ̆ng boih nơ̆r 'nâu păng nơ̆r khan lê̆ adrol đơ̆ng Asaria kon drŏ-nglo Ôdet, jơhngơ̆m sư hiôk na sư nuih pơ̆n pơrăm lê̆ đĭ lu rup yang kơnê̆ đơ̆ng lăm jơ̆p kơ Juđa păng Bênjamin, hăm đơ̆ng lăm lu pơlei mă đêl lu sư 'nao blah iŏk tơ kơpal kông groi Êphraim; sư pơdơ̆ng hơmet chơnang soi Kră Yang 'bơ̆t anăp kơdeng hnam Kră Yang.

II Ho 33:15

Sư hŭt lê̆ đĭ lu rup yang đơ̆ng lăm hnam Kră Yang dôm lu rup yang bơngai tơmoi păng chơnang soi mă đêl sư đei man tơ groi hnam Kră Yang tơ pơlei Jêrusalem, sư klơ̆m hŭt đĭ tơ 'nguaih pơlei.

II Ho 7:14

Tơdah kon pơlei pơla Inh, đe krao lu sư kon Inh, drap bon kơkuh, krao khan, chơchă Inh păng tơbral achăng lê̆ trong kơnê̆ lei Inh oei kơpal plĕnh ti gô mơ̆ng, mơnat ăn huay pă jô̆ yoch lu sư păng ăn teh lu sư thoi đêl.

Horiso 73:21

Kơplah inh ơh sơ'ngon, inh jĭ jơhngơ̆m thoi sa tăng.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Je 31:20

“Hăm trŏ Êphraim kon Inh mă 'mêm? Kon inh kơeng? Mă khan dôm wơ̆t boih inh hil kơ sư; inh oei 'blŏk 'brơ̆k mơnat, Tơpă Inh gô mơnat kơ sư.” Noh Kră Yang khan.

Hôsia 11:8

Ơ Êphraim, liơ Inh gơh achăng ih, Ơ Isơrael, liơ Inh gơh jao lê̆ lu iĕm kơ đe? Liơ Inh gơh ăn pơm kơ lu iĕm jing thoi pơlei Atma, dah liơ Inh gơh pơm kơ lu iĕm thoi pơlei Sêbôim? Jơhngơ̆m Inh sơngah ưh kơ wă pơm tơdrong noh păng jơhngơ̆m Inh 'mêm kơeng đĭ tơtŏ dêh boih.

Hôsia 14:8

Ơ lu bơngai Êphraim, Inh wă pơm kiơ dơ̆ng hăm lu rup yang? Inh boih gô drơ̆ng tơdrong lu iĕm krao khan păng wei-lăng lu iĕm. Inh thoi minh tơnơm 'long hơngo hla iĕ hơdrih ling-lang đơ̆ng Inh boih mă lu iĕm đei plei.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Luka 15:20

“Klaih kơ noh sư iung brŏk hloi. Tam mă truh tơ hnam, oei ataih, mă-lei 'bă sư tơmang 'bôh sư boih. 'Bă sư lăng 'brơ̆k mơnat, na tơkan chŭm kuăr sư.

Luka 19:41

Yêsu năm wă jê̆ truh tơ Pơlei Jêrusalem. Lăp Sư tơmang 'bôh Pơlei Jêrusalem Sư nhơ̆m hmoi mơnat kơ Pơlei Jêrusalem.

Yo 11:34

Na Yêsu jet: “Iĕm 'bŭ sư tơ yơ?” Lu sư khan: “Ơ 'Bok, bĕ bơ̆n năm lăng.”

Êphêsô 4:32

Iĕm athei pơm băl mă 'lơ̆ng, băt 'mêm mơnat kơ bôl buăl, 'nĕ kơ jô̆ yo dih băl thoi 'Bok Kei-Dei huay kơ jô̆ yo kơ bơ̆n yua kơ Kon Sư Yêsu Krist lôch tang bơ̆n.

Both 32:36

Trŏ boih Kră Yang gô sek tơlang kơ kon pơlei Sư. 'Mêm mơnat kơ đĭch đam Sư. Kơplah Kră Yang 'bôh jơhngơ̆m lu sư gleh lap đĭ boih, ưh pă đei bu oei đĭch dah yŏng tơ'ngla lu sư.

Hêbrơ 3:10

Kơlih kơ thoi noh na Inh hil kơ lu sư mah khan thoi âu: ‘Lơ̆m jơhngơ̆m đon iĕm ngăl 'maih chă tơdrong hơwơ̆l kuă kơ chu tơdrong Inh.’

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

Jôsuê 24:23

Jôsuê khan dơ̆ng: Thoi noh, dang ei, athei hŭt lê̆ bĕ yang tơmoi đơ̆ng lăm lu iĕm, athei đei jơhngơ̆m chu brŏk tơ Kră Yang 'Bok Kei-Dei Isơrael.

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

I Sam 12:10

Lu sư ôr krao apinh Kră Yang: Lu nhôn đei pơm yoch, yua kơ lu nhôn achăng lê̆ Kră Yang, na kơkuh kơ yang Baal păng yang Astarôt; dang ei, apinh Ih dŏng pơklaih nhôn đơ̆ng ti bơngai ayăt hăm nhôn, na lu nhôn gô chu kiơ̆ kơ Ih.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.

I Sam 7:4

Na bơngai Isơrael klơ̆m hŭt lu yang Baal păng rup yang Astarôt, kơkuh kơ minh 'nu Kră Yang đĕch.