Lu 10:15 - Sơ̆p Hlabơar Nơ̆r 'Bok Kei-Dei

¹⁵ Kon pơlei Isơrael khan kơ Kră Yang: Lu nhôn pơm yoch boih. Apinh ih pơm bĕ kơ lu nhôn kiơ̆ Ih lăng trŏ, na apinh Ih dŏng pơklaih lu nhôn năr 'nâu!

Lu 10:15 Iomraidhean Croise

II Sam 10:12

'Nĕ kơ hli athei tơblah mă nuih đĭ jơhngơ̆m wă wei kon pơlei pơla bơ̆n, păng lu pơlei tih Kră Yang 'Bok Kei-Dei bơ̆n; hơpơi kơ Kră Yang pơm kiơ̆ thoi Sư tơchĕng 'lơ̆ng!

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Sam 15:26

Mă-lei tơdah Kră Yang khan: ‘Inh ưh kơ lăp kơ ih,’ lei apinh Kră Yang hơmet inh kiơ̆ kơ Kră Yang lăp đon lăng 'lơ̆ng!”

II Sam 24:10

Đơ̆ng rŏng kơ jô̆ kơ̆l kon bơngai đang boih, pơtao Đawit jơhngơ̆m sư ưh kơ hiôk păng khan kơ Kră Yang: “Kơkuh kơ Ih Kră Yang, inh đei pơm boih minh tơdrong kơtul bơlŭk păng yoch trăp. Dang ei inh apinh Kră Yang mơnat ăn kơ inh đĭch đam Ih.”

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

Jop 33:27

Sư hat hơri păng roi tơbăt 'bơ̆t anăp đĭ-đăng bơngai. ‘Inh pơm yoch bơih yak đŏng đĕo weh đơ̆ng trong tơpăt. Mă-lei Kră Yang ưh kơ đei phak kiơ̆ kơ inh yoch.

Tơdrông Pơđơk 28:13

Bơngai bu ôn tơdrong yoch sư ưh kơ đei pŭn hiôk; Mă-lei đei bu tơbral păng achăng lê̆ sư gô đei mơnat.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Jôna 2:4

Inh đei khan thoi âu: Đe klơ̆m lê̆ inh đơ̆ng anăp Ih, mă-lei inh oei gơh 'bôh dơ̆ng hnam akŭm 'lơ̆ng rơgoh Ih.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Jôsuê 9:25

Dang ei lu nhôn oei lăm tơpang ti iĕm, mơ̆ng kơ iĕm wă pơm kơ lu nhôn, kiơ̆ kơ iĕm lăng 'lơ̆ng dah trŏ.

I Sam 12:10

Lu sư ôr krao apinh Kră Yang: Lu nhôn đei pơm yoch, yua kơ lu nhôn achăng lê̆ Kră Yang, na kơkuh kơ yang Baal păng yang Astarôt; dang ei, apinh Ih dŏng pơklaih nhôn đơ̆ng ti bơngai ayăt hăm nhôn, na lu nhôn gô chu kiơ̆ kơ Ih.

I Sam 3:18

Na Samuel roi đĭ dôm tơdrong, ưh kơ đei ôn kiơ hăm sư. Hêli tơl khan: Sư bơih Kră Yang, apinh Sư pơm dôm tơdrong thoi Sư lăp đon!

I Sam 7:6

Lu sư akŭm đĭ tơ Mispa, chhŏ đak păng tuh đak noh 'bơ̆t anăp Kră Yang. Lăm năr noh lu sư ơ̆t kơ sŏng sa păng tơbral: Lu nhôn đei pơm yoch hăm Kră Yang. Samuel pơgơ̆r păng pơm 'bok sek tơlang kơ bơngai Isơrael.