Lu 10:14 - Sơ̆p Hlabơar Nơ̆r 'Bok Kei-Dei

¹⁴ Năm krao chă bĕ lu yang mă iĕm rơih iŏk boih; lê̆ lu sư dŏng pơklaih lu iĕm mưh lu iĕm đei gleh pơmat-tat?

Lu 10:14 Iomraidhean Croise

II Pot 3:13

Êlisê khan kơ pơtao Isơrael: “Ih hăm inh đei tơdrong kiơ? Ih athei jet apinh bĕ bơngai khan lê̆ adrol mă mĕ 'bă ih yua sư noh:” Mă-lei pơtao Isơrael tơl: “Ưh ôh, yua kơ Kră Yang krao bơih pêng 'nu nhôn pơtao 'nâu wă jao lê̆ lăm ti lu bơngai Môap đĕch.”

Êsai 10:3

Lăm năr sek tơlang, Kơplah đei tơdrong kơnê̆ truh đơ̆ng ataih lu iĕm gô pơm kiơ? Lu iĕm kơdâu tơ bu mă lu iĕm wă gơnang dŏng tơgŭm? Lu iĕm wă 'măn mŭk tơmam iĕm tơ yơ?

Êsai 46:7

Lu sư tôi rup yang noh tơ hơngiĕng tung ba pơdơ̆ng 'bơ̆t anih sư, na yang noh dơ̆ng minh 'bôt 'bơ̆t doh, ưh kơ gơh weh tơ anih tơ nai. Tơdah đei bu krao khan: Yang noh ưh kơ gơh tơl tơwih păng ưh kơ gơh dŏng lu sư đơ̆ng tơdrong anat anot.

Êsai 57:13

Mưh iĕm krao ôr wă kơ dŏng, gô lê̆ kơ lu rup yang 'noh dŏng pơklaih iĕm. Lăp minh hơyuh kial gô dơhlu pơđông lu rup yang iĕm 'noh. Lăm minh 'măng hơyuh kial tơthu đĕch gô hiong đĭ-đăng, mă-lei bơngai bu kơ'nơp lăm Inh, gô đei yua teh 'nâu păng đei iŏk kông rơgoh Inh.

Je 2:28

Thoi noh na tơ yơ yang mă lu iĕm đei pơm kơdih noh? Lê̆ lu yang noh năm pơklaih iĕm bĕ, kơplah iĕm đei tơdrong gleh, yua kơ lu yang iĕm lơ kư̆m dang dôm pơlei iĕm, ơ Juđa.

Êsêkiên 20:39

Gah lu iĕm, ơ adrĕch Isơrael, Kră Yang khan thoi âu: Rim 'nu kơ lu iĕm năm kơkuh bĕ kơ rup yang! Mă-lei đơ̆ng rŏng kơ noh, lu iĕm gô mơ̆ng kiơ̆ Inh, ưh pă pơ'mê̆ kơ anăn Inh dơ̆ng hăm tơmam soi kơkuh kơ rup yang.