Lu 10:11 - Sơ̆p Hlabơar Nơ̆r 'Bok Kei-Dei

¹¹ Kră Yang khan kơ lu bơngai Isơrael: Hăm trŏ Inh dŏng pơklaih lu iĕm hlôi boih đơ̆ng dêh Êyiptơ, klaih đơ̆ng kon pơlei Amôrit, klaih đơ̆ng kon pơlei Ammôn păng klaih đơ̆ng kon pơlei Philistin leh ưh?

Lu 10:11 Iomraidhean Croise

Le 14:30

Lăm năr 'noh, Kră Yang pơklaih kon pơlei Isơrael đơ̆ng ti bơngai Êyiptơ; kon pơlei Isơrael 'bôh hnơ̆k hnăk bơngai Êyiptơ lôch cheng đak dơsĭ.

Jo 21:35

Thoi noh, bơngai Isơrael blah rôp pơlôch Ôk, lu kon drŏ-nglo sư păng đĭ-đăng lu kon pơlei sư, ưh pă đei minh 'nu oei arih; lu bơngai Isơrael iŏk đĭ char lu sư.

Hêbrơ 11:29

Lu bơngai Isơrael đei đon lui, na kơplah lu sư găn đak dơsĭ 'brê sơ̆, lu sư yak thoi lĕ kơ yak kơpal teh hrĕng kro đĕch. Mă-lei lăp lu bơngai Êyiptơ găn kiơ̆, lu sư glơ̆k lôch đĭ hloi.

Lu 2:12

Hŭt lê̆ Kră Yang 'Bok Kei-Dei 'bok yă lu sư, Tơ'ngla mă chông lu sư lĕch đơ̆ng dêh Êyiptơ. Lu sư lui kiơ̆ kơ yang nai đơ̆ng lu adrĕch adrung jum dăr kơ lu sư, drap kơkuh kơ lu yang noh păng pơm kơ Kră Yang hil blĕk kơ lu sư.

Lu 3:28

Êhut khan kơ lu sư: Kiơ̆ inh bĕ, yua kơ Kră Yang jao boih kon pơlei Môap lăm ti lu iĕm, bơngai mă ayăt kơ lu iĕm. Đĭ lu sư jur kiơ̆ sư, năm blah iŏk anih đơ̆ng đak Krong Jôrđăn, noh trong lu bơngai Môap juăt kơ tŏk găn đak krong trong noh ưh kơ đei ăn bu năm.

Lu 3:31

Đơ̆ng rŏng kơ Êhut đei Samgar, kon drŏ-nglo Anat, sư yua minh tŏ 'long sơnguĕt suĕng đe puh rơmo na teh pơlôch tơdrâu-hrĕng 'nu bơngai Philistin na sư dŏng pơklaih lu bơngai Isơrael.

I Sam 12:8

Đơ̆ng rŏng kơ Jakôp truh tơ Êyiptơ, yă 'bok lu iĕm đei krao apinh Kră Yang; Kră Yang wơh Môis păng Arôn chông anhăk yă 'bok iĕm sơ̆ lĕch đơ̆ng dêh char Êyiptơ, na ăn kơ lu sư oei tơ dêh char âu.