Lu 1:4 - Sơ̆p Hlabơar Nơ̆r 'Bok Kei-Dei

⁴ Thoi noh lu bơngai Juđa năm, Kră Yang jao kon pơlei Kanaan păng kon pơlei Phêrêsit lăm ti lu sư; tơ Bêsek sư blah pơlôch mơjĭt-rơbâu 'nu bơngai.

Lu 1:4 Iomraidhean Croise

I Pot 22:15

Lăp Mikai tơ'bơ̆p pơtao, pơtao jet sư: “Ơ Mikai, bơ̆n hăm gơh năm blah Pơlei Ramôt Gileat ưh, dah mă lê̆ kơ năm blah đĕch?” Mikai tơl: “Năm blah bĕ, gô jei bơ̆n; Kră Yang gô pơjao pơlei 'noh lăm tơpang ti ih.”

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

Horiso 44:2

Ih đei yua ti Ih puh tơweh kon pơlei pơla, na pơtăm lu 'bok yă nhôn. Ih pơma kơ lu kon pơlei pơla, mă ăn kơ lu 'bok yă nhôn rai pŭn hiôk.

Horiso 78:55

Sư puh tơweh lu kon pơlei nai 'bơ̆t anăp lu sư, Hlang păng klah song teh ăn kơ lu sư jang sa. Sư ăn kơ lu bơngai Isơrael oei tơ lăm anih hnam kon pơlei ei.

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Both 9:3

Mă-lei iĕm athei băt tơpă: Kră Yang 'Bok Kei-Dei iĕm năm adrol kơ iĕm, nhen thoi pla ŭnh khơ̆ng dơhlông sa, Kră Yang boih Sư gô pơlôch pơrăm lu sư. Pơm kơ lu sư chu thuơ, lu iĕm gô pơlôch lu sư 'mônh đĕch, thoi Kră Yang đei pơkă hăm lu iĕm.

Lu 1:3

Bơngai Juđa pơma dơnuh hăm bơngai Simêôn, 'nhŏng oh lu sư, sư khan: Bĕ bơ̆n năm hơdai nhôn tơ teh đei hlang lăng trŏ kơ nhôn boih, na lu bơ̆n gô blah kon pơlei Kanaan; đơ̆ng noh nhôn gô năm hơdai lu 'nhŏng oh truh tơ dêh char mă đei hlang lăng boih trŏ kơ 'nhŏng oh. Bơngai Simêôn năm hơdai hăm lu sư.

Lu 1:5

Tơ Bêsek kư̆m đei tơ'bơ̆p Ađôni Bêsek, na blah lu sư, păng kon pơlei Kanaan păng kon pơlei Phêrsit.

Lu 11:32

Đang kơ 'noh Jeptha năm truh tơ kon pơlei Ammôn tơblah hăm lu sư; Kră Yang pơjao lu kon pơlei Ammôn lăm tơpang ti sư.

Lu 3:5

Thoi noh kon pơlei Isơrael oei hơdai hăm kon pơlei Kanaan, kon pơlei Hêtit, kon pơlei Amôrit, kon pơlei Phêrisit, kon pơlei Hêwit păng kon pơlei Jêbus,

I Sam 11:8

Sôl akŭm lu sư tơ pơlei Bêsek; bơngai Isơrael pêng-hrĕng rơbâu, bơngai Juđa pêng-jĭt rơbâu 'nu.

I Sam 14:10

Na dah lu sư pơma khan: Năm tơ nhôn bĕ; lei ba gô năm; noh băt tơdra kơ Kră Yang gô pơjao lu sư tơ lăm ti ba boih.

I Sam 14:6

Jônathan khan hăm bơngai chĕp tơmam tơblah sư: Bĕ ba khŏm năm truh tơ kơđông lu bơngai ưh kơ kăt tơdra akar 'noh.c Băt Kră Yang gô tơgŭm kơ ba; ưh kơ đei tơdrong kiơ găn Kră Yang ăn kơ jei bơ̆n mă bơ̆n tŏ sĕt dah lơ.